هنا

[124321]

خدمة محبي باسم الكربلائي تقدم:
قصيدة : يمحبوبي سروري
للشاعر : سيد سعيد الصافي الرميثي
مولد صاحب الزمان عج
ليلة 15 شعبان 1430 هـ
حسينية القصاب البحرين
طور : محب واهدي سلامي


يمحبوبي سروري .. يعبر عن شعوري
يمهدينه تهانينه .. يعبر عن شعوري


ابشريان الگلب يا اغله محبوب
ذنب لو صار حبك عنه ما توب
عزيز و اسمك بوجداني مكتوب
مثل شمعة دليلي ابحبك ايذوب
يالتعيش ابخيالي .. تظل دوم اعله بالي
يمهدينه تهانينه .. يعبر عن شعوري


گضيت العمر عايش بالإحلام
أنتظرك يغالي و أحسب ايام
يالوجهك يوصفونه بدر تام
شيكتبون عنك أهل الأقلام
قُمر تضوي بجمالك .. ولا صاير مثالك
يمهدينه تهانينه .. يعبر عن شعوري



تعالوا خل أطوگن طعم الافراح
واقول الگلب هسه بجيتك ارتاح
و أشعر بالسعاده و همي ينزاح
بعد الليل لازم يجي المصباح
سحر شوگك خذاني .. صرت أحسب ثواني
يمهدينه تهانينه .. يعبر عن شعوري


كبر شوگي و أريد أرفع عتابي
غزاني الشيب و ابعزت شبابي
يغالي اليوم أوجه لك خطابي
و اريد ابنظرتك تمسح عذابي
أناجيك ابصلاتي .. و أعيش بأمنياتي
يمهدينه تهانينه .. يعبر عن شعوري


على دربك مشيت امن البدايه
و يظل وياك عهدي للنهايه
يكحل العين يا نور الهدايه
إلهك صورك للرحمه آيه
ملك حبك ضميري .. صبح وعدك مصيري
يمهدينه تهانينه .. يعبر عن شعوري

[انثى مخمليةة]

يسلموو

[124321]

نورتي