UNKNOWN
تاريخ التسجيل: January-2017
الجنس: ذكر
المشاركات: 17,071 المواضيع: 346
صوتيات:
6
سوالف عراقية:
0
آخر نشاط: 15/November/2020
إيديك . . طيوف
إيديك إنت ورد وطيوف
إيديك إنت خطف الوان
قوس من القزح وطيوف
إيديك . . إنتَ گمر عل ماي هيبه إو بظالم طيوف
إيديك . . إنتَ نجم سهران يلمض بالدموع طيوف
إيديك . . إنتَ غزاله تهيم تاخذ كل حنيني طيوف
إيديك اسرار تلمض بليالي هناك گمره
واغاني . .
إوجرح . .
كلش يهيم
إو يخفگ الجنحين كل عمره الك ملهوف
إيديك . . الكوخ والشمعه النزل بيها الدمع ملصوف
إيديك . . بعيد ياخذها الفرح مهره وميض سيوف
إيديك . . اهناك من تلتم صدر مشحوف
إيديك . . إشموع ياخذها نهر اظلم حزين بلا وطن ورفوف
إيديك . . الشوف بدموعي جمر ملهوف
إيديك . . امرايت العميان گمريه إو گلب مكشوف
إيديك . . البيت من يضحك فرح وطيوف
إيديك . . اتفكني من حبك ورد مشحوف
إيديك . . الميز والجوري إو دفاتر للحزن والخوف
إيديك . . الكاس كل ليلة يوج جمر الحنين إچفوف
إيديك . . اسمع حنيني عليك درويش و جمر ودفوف
إيديك . . انت كمر ناعم حنيني
وياخذ إچفوفي الحزينه عليك
هاله من الفرح . .
خضره وتضل داير گمرها إطوف
إيديك . . الفرح گبل الخوف
إيديك . . عليك تاخذني عواصف سرها ما معروف
إيديك . . الدمع ماخذني حزين الوطن بيها يطوف
إيديك . . وحيلي كل ليلة ابد ماعوف
أديك . . الجرح ما يطفه ابد ما عوف
إيديك . . الليل والظلمة العلي منك ابد ماعوف
إيديك . . المنقلة وشمعه وجگاير لف عليك إنتَ بدمع ملفوف
إيديك . . احلام بالغرفه الحزينه إو گمرة ادفوف
إيديك . . الشاعر المجنون كل عمره كتب ورفوف
إيديك . . شلون ما تلتم ورد وطيوف
إيديك . . إنتَ ورد وطيوف
إيديك . . الگمره والمهره
إومضيف بهيبه من يلتم حنين يشد جرح مكشوف
إيديك . . الريح وسط الهور
مذعورة وصبح ملهوف
إيديك . . تهيم بوراقي مشاحيف إوگمر وطيوف
إيديك . . إنتَ حمام يهيم يخفگ بالقصيدة حروف
إيديك . . إنتَ صبح ( لشوف )
_
