يابو حسين
عدنة هــواي من أسمك
بس ماكو علي بـگدك
لـ علي داود
يابو حسين
عدنة هــواي من أسمك
بس ماكو علي بـگدك
لـ علي داود
تـدنالي اعلـه بخـتك تشتهيك الروح
خــل تنــزع حــزنها وتلـبس مـرصـع
وقاسمــني الهموم وهات وانه اطيك
وشعــدك سـوالف گــول خل اســمع
احـﭼـي ولاتضـم واحـنه ببـدايه ليل
ريـت الشمـس رمـده وعمـر ماتطــلع
إلك بگليبي بيدر شوگ
(وجروح وعتب وإيمان)
أحبك من گلب ولسان
يكول:
ومن كثر غيّرتها علي
انيُ اعترف اذيتهُا
متعوبين ...
گادتنه السوالف و الصور و الليل للمجفين ...
تعبنه من السفر و الشوگ
ضلينه بتوالي العمر مشمورين ....
اتانيك بترافة ورد طول الليل
وأعيش بأمل جيتك
للصبح واذبل
انه ماي وكل بشر معتازني
#باقر_الشغانبي
ياهو الجاي يكسر بي! …خاطر عندي لو گصبة…؟
اريد احچي لبگلبي …
بس اخاف انعاف …
ينذب الضرف من يحچي لبگلبة …
''
صحاني البعد وبقيمتك حسيت … تريد الصدگ محد حابني بگدك …
شگد مرو علي من قارنتهم بيك …
حتة الگال احبك حاول يقلدك …
علي صبرك ملح يلچم عللهم
يِکَوم اهموم عدلك هم على الهم
حقدهم صارم امزوهر على الهام
هوة يختملك ال((فزتُ)) ابمنيّة...
****
یمن امر الله متحالف وي‌امرک
الحزن اعوام شد حیله وي‌امرک
اخيرا هوّد گلیبک و یمراک
و تعود الفاطمه ابهاي المسیّه
****
أضيع ابهيمة الأفکار و اتعثّر
شوصفنّك؟
رجف بيدي القلم محتار و إتعَذّر
يخط عنّك...
علي لو ردت اوَصفك أَنتهي وياي...!
المطر وكت الحصاد ايوصّف الغيم...
یالاجدامک تربها ایشید الأمجاد
يابوتراب انت ابوالمجد و أَبو الشیم..
تغمّد صارمك برگاب الأرجاس
قصور اعداک بجدامک تذل هیم
یه مَن ذچرک دوة الجرح المساکین
و یه مَن ذچرك يراوي العادتك،ضيم
يَفقّار استفز الأقدار ، من تُشهَر
رعد چنّك...
و عزريل اليقَدْم أعذار اذا حيدر
رجز، فنّك ...!!
جنين انت و يضيفك ربّ العباد
و مو باب انفتح، شگّالک جدار
یلوذ المصطفی ابزودک إصغیرون
صغیر الجیش بس امخورس اکبار
اذا طاري العلم ينجاب ، قرآن
اذا قصّة حرب تنجاب، كرّار...
مواضيع الكرم اسمك لها كْتاب
کتاب ابظهره مكتوب الحسن صار
يه معنىَ الليل بالإسرار، يالتستر
خفي مَنّك
ترة الكون الشمس تذكار، من اضطر
اخذ منّك...
*
يقيسون الزلم بأفعالهم كون
علي لكن محالة ابفعلة ينقاس
لئن بس الله يگدر للیسوّیه
لهذا انخاف نحچي و تشرك الناس!
منو ايردّ الشمس غير الله ويّاه
علي يشفي و يميت ويحيي الأنفاس
علي يكفي المديحة انگلّة ابوحسين
منو اليخلق بطولة شبله عبّاس ....
علي إمراية محمّد صار ،بل اكثر
و ازيدنّك
علي ايد الله و المختار، والله انسر
اذا حَنَّك...
علي العاداك من صيتك مِلَك جاه
الثلاث اعداك انت انطيتهم شان
علی سماط الغدر و ابچتلک امتاز
ابن ملجم فضالة يا جدر چان؟!
يابو السبطين محرابك يحن ليك
صريخ اهل العرش نسمع بالآذان
تعال الليل وحشة ابعين الأيتام
بدر چفّك تنطرة اهواااااي بيبان...
يبو الحملة الگلب شب نار، و اتوذّر
و أسمعنّك
توصّي الكافل القهّار ، والخدّر
يشدهنّك...
يشيّب مهجة الأحجار...هالمنظر
صعب لأنّك
أهیم إبكتبتي و أحتار وأتكسّر
شوصفنّك؟ شكتبنّك شعرفنّك
رجف بيدي القلم محتار و اتعذّر
يخط عنّك...
✍.الشاعر حيدر الحدّاد الكربلائي