ابراج اليوم الاحد 19 ابريل 2020 منيب الشيخ


كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم

القمر بكرا كمان مستمر ببرج الحوت ♓
توقعات برج الحمل اليوم الاحد 19 ابريل 2020 منيب الشيخ

الحمل ♈

مرقلي هاليوم كمان وخليك رايق ..
بعدها الأوضاع عندك ماعم تكون متل مابدك بالرغم من أنك ممكن تعمل شي بخص شغل وتغير من حالتك بس اهم شي انتبه من الناس يلي بوجهين وفكر كيف تخلي علاقاتك سليمة بالمحيطين فيك ..
عاطفيا .. حالتك العاطفية عم تتأثر ببعض الظروف المحيطة ولازم تعرف منيح كيف تخلي الشريك حدك دايما ..

توقعات برج الثور اليوم الاحد 19 ابريل 2020 منيب الشيخ

الثور ♉

في اصدقاء وناس بتدعمك وهدي بالبيت ..
حاول تكون رايق وتعامل بطريقة ايجابية وماتكبر الأمور وحاول تستعين باشخاص قريبة منك كأصدقاء وغيرن لتحصل على دعم مادي وغيرو ويمكن عم تعزم بعض الأشخاص وعم يكون عندك لمة عيلة ..
عاطفيا .. انت بوضع منيح عاطفيا بس يمكن ماعم تلاقي الشخص يلي بحبك ويهتم ..

توقعات برج الجوزاء اليوم الاحد 19 ابريل 2020 منيب الشيخ

الجوزاء ♊

انتبه وماتواجه حدا واستغل يومك بشهرة ..
من الايام يلي بتشهد عندك اهتمام كتير ناس فيك وخاصة انك ممكن تتواصل مع شخص يساعدك بشغل الك ويحسن من ظروفك وعم يكون عندك فرصة لتنجح وتصل لمكانة اعلى بس خليك ذكي بخياراتك ..
عاطفيا .. الوضع العاطفي عندك يعتبر جيد وخاصة انو الزهرة ببرجك وفي كتير معجبين حولك ..

توقعات برج السرطان اليوم الاحد 19 ابريل 2020 منيب الشيخ

السرطان ♋

وضعك افضل بالبيت وفي نجاح كبير عندك ..
من الأيام يلي بتحملك كتير احداث ايجابية بعلاقات جديدة وناس مهمة وخيارات بتدعمك ونجاح بالتواصل الخارجي فاستغل هالشي وفي اشخاص جدد بتتواصل معن مشان هيك كون جاهز وغير وضعك ..
عاطفيا .. الحالة العاطفية عندك عم تكون بوضع افضل بكتير وخاصة انو في تطور حلو ناطرك ..


توقعات برج الاسد اليوم الاحد 19 ابريل 2020 منيب الشيخ

الأسد ♌

مصالحات ومال وخيارات افضل ..
من الأيام يلي فيها احداث ايجابية بتخص وضعك بالبيت وعم تخف حدة التوتر مع اشخاص كان في بينك وبينن مشاكل وعم تحصل على حلول مالية ويمكن عم تفكر باوراق بدك تحصل عليها ..
عاطفيا .. الوضع العاطفي عم يكون منيح وخاصة انك عم تتلقى اخبار من اشخاص غاليين عليك ..


توقعات برج العذراء اليوم الاحد 19 ابريل 2020 منيب الشيخ

العذراء ♍

حاول تضل ايجابي وخليك هادي بتواصلك ..
بدي منك تعرف منيح كيف تتعامل مع أي شخص حولك هاليوم وتكون هادي وتفكر صح كيف تستغل شراكة مع شخص ما وانت بحاحة هاليوم لتخفيف القلق الصحي وخاصة انو هالفترة عم يضل بالك مشغول ..
عاطفيا .. اوضاعك العاطفية عم تمرق بيوم في شوي توتر ولازم الشريك يعرق يتعامل معك ..

توقعات برج الميزان اليوم الاحد 19 ابريل 2020 منيب الشيخ

الميزان ♎

عندك التزامات كتير وعم تحس بتعب ..
هالفترة انت عم تشيل زيادة عن طاقتك وعم تتحمل مسؤوليتك ومسؤولية غيرك والمشكلة انو مافي مين يقدر مشان هيك حاول ترتاح وتنتبه كمان لصحتك ولاتعمل مشاكل بالشغل ولا بالبيت وروق ..
عاطفيا .. انت بحاجة دعم الشريك بهيك يوم ولازم تعرف منيح كيف تفصل العاطفة عن وضعك ..

توقعات برج العقرب اليوم الاحد 19 ابريل 2020 منيب الشيخ

العقرب ♏

اوضاعك افضل وخاصة بالعاطفة ..
بتقدر هاليوم تكون مبدع لتحل مشاكلك وتعمل شي يساعدك وتعيش اوقات حلوة واهم شي تستفيد من عيلتك وتطلب مساعدة اذا احتجت وتفكر تنهي امورك العالقة واطمن كل شي بكون تمام وفي مال عندك ..
عاطفيا .. حالتك العاطفية عم تكون أفضل وخاصة انو في اشخاص قدامى ممكن تتذكرك هاليوم ..


توقعات برج القوس اليوم الاحد 19 ابريل 2020 منيب الشيخ

القوس ♐

عندك ضغط بالبيت بدك ترتاح بقى ..
عم يكون عندك ضغط بالبيت وبدك تتحرر من المسؤوليات الزايدة وتريح راسك وحاسس انو في طاقة سلبية عم تسيطر عليك فحاول تروق وتحل المشاكل بهدوء وخليك ايجابي وحكيم مع اهلك ..
عاطفيا ..وضعك العاطفي عم يتأثر بأمور البيت وحاسس انو في ناس مقربين احيانا عم تحاول تخرب عليك ..

توقعات برج الجدي اليوم الاحد 19 ابريل 2020 منيب الشيخ

الجدي ♑

بتتواصل مع ناس وبتحل امور عائلية ..
من الأيام يلي فيها اتصالات كتير بتحس موبايلك ماعم يهدى وعم تقدر تحكي وتاخد وتعطي فخليك ذكي واستغل شطارتك لتحل المشاكل المالية والعائلية وحاول تغير من وضعك لان بحاجة شي جديد ..
عاطفيا .. الوضع عندك منيح وفي شخص عم يتواصل معك فاستغل هالشي ..

توقعات برج الدلو اليوم الاحد 19 ابريل 2020 منيب الشيخ

الدلو ♒

عندك مبلغ مالي بيجيك ورتب امور البيت ..
عم يكون عندك بهيك يوم كتير قصص بتخص وضعك العام وعم تفكر تغير وتكسر الروتين بحياتك وفي مبلغ مالي ممكن يجيك وحاول تستغل بداية جديدة لتغير من حالتك المادية للأفضل هاليوم ..
عاطفيا .. الوضع شبه مستقر بس احيانا انت بتمل من كل شي ولازم الشريك يفهم هالحالة عندك ..

توقعات برج الحوت اليوم الاحد 19 ابريل 2020 منيب الشيخ

الحوت ♓

اجواء ايجابية والأمور لصالحك بتكون ..
فيك تستغل هيك يوم لصالحك وتغير من حالتك وخاصة انو في اخبار حلوة عندك وعم تحل قصص بالبيت وبكون عندك افكار جديدة ويمكن تنهي علاقتك ببعض الأشخاص يلي كانو عم يتعبوك ..
عاطفيا .. الوضع العاطفي عم يخليك بحيرة ولازم تستقر بخياراتك العاطفية على شخص محدد ..