شحة مستحه
تبعت ضعونكم بس ما لكَيت آثار
بليل وطر عليه الفجر وانه اتبع..
خفت عالحادي يبعد مو بخوف الذيب
لو شبعان منكم خله جا يشبع"
و ادي فوكَ الخواصر واصد من بعيد
وفجأه وركزت شفت الضوه شعشع!!
وتدنيت وسألت وكَالو هناك
اذا رايد ضعونك بالمتانه اشبع
وچنفت ارداني واركض عله العاكَول
اليكَلوله اوصلت بالدرب يطمع...
وضميت لشوفكم مو بس ضمه الماي
ورويته اليابس من البعده يدمع'`
شحة مستحه وارخاص التعيش
الحنين،، الكَلبه طيب ضيم يشبع..!
حرت بجدامي لامن واصلات ارتاح
ولامن حيل بيهن خاطر ارجع!!
العمر مثل الوقت لوما ضبطته يتيه
المايندلكم بيا عذر يقنع؟
اكل وجهي التعب مامش ملامح بيه
ندم شايل عله الخد جفي يرصع،،
وكَالولي الضعن شفناه و ولفك بيه
ولكن فرق بين، تشوف، تسمع،
ارجعولي، الورد وبكَاع صبخه يموت
القصيده تموت لوما بيها مطلع!!
سالم هاشم
رد مع اقتباس
