مايرهم جبر يم خاطري المكسور
بكلهن بعد ما معذور
اصيرلك ملح بس انت ماصخ ذوق
خلكَ دفان شايلك يعد كَبور
بعشرتك فشلتني ومثل فشلة شيخ
الانباكَ الفجر والبايكَه الناطور
بيا جلمه اعذرنك ياعذر جذاب
كلما تنحجه وتنكَال بيك قصور
اي مكسور بس ياكسره مثل العود
مايرهم جبر يم خاطري المكسور
منك جنت خايف فارغ ومتروس
مو محبوبي اشوفنك وجه شاجور
شفتك شجرتي... ويا نية الحطاب؟
طير وعله اغصانك من احط مجبور
واحير بلون كَلبك ماعرف يالون
على كلاً يذكرني بقطع عاشور
مثل مشي النمل ضليت تمشي وياي
مو جاهل واعدل طبعك الممذور
جنتلك كَلب صافي ومادور كَلوب
مثل الخوخ ينذب كَلبه يبقى كَشور
بين كلشي بيه وماكَدرت اخفيه
بجيزان الفلاليح التعب مشهور
خلص عمره داوي ومنه تشبع ناس
غشيم بصدره نار وساكت التنور
شفتك كلك ابيض كَلت تبقى وياي
مهو ابيض صدكَ بس يخلص الطبشور
سالم هاشم
رد مع اقتباس
