اقتصادك ياوطن صــــاعد هالايام
اقتصادك ياوطن صــــاعد هالايام
بكثر ما دم جهالك عالارض سـاح
انت اكثر بلد تستورد المـــــــــوت
واكثر بلد لله تصـــــــــــــــدر ارواح
كبر بينه الجرح وضماده زعــــــلان
وطبيب اجروحنه ايون من الاجـراح
صارت بالعراق الراحــــــــــه كفران
لا استغفر الله اشــــــــــلون نرتاح
صبرنه وما لكينه افـــــــــــراح وياك
واليعاشر حضرتك ينسه الافـــــراح
شهاده اعله الصبر منطينه ايــــوب
صبرنه الحد فرج بس ماكو مفـــتاح
تدوس اعله الورد بجدام الاســيوف
او تزرع في مكان اورودنه ارمــــــاح
ناسك بالمدارس تدرس الـــــــموت
وخرخاشه جهالك صـــــارت اسلاح
ما ضكنه الفـــــــواكه كلهه مو عوز
ما ضكناهه خـــــــــــاف ارواح تنزاح
لان رمانه طكت عاليصـــــــــــــلون
لذالك ما اكلنه الهسه تفــــــــــــاح
وحرثت المكبره من خلصت النــاس
ردت تزرع بشر وتعدل الطــــــــــــاح
ما نجحت فكرتك خضـــــــــرت موت
لان خــــــليــــت عزرائيــــــــل فلاح
بعد لاتسوي للسكان تعـــــــــــــداد
وادم ما بقت روح احســـــــب ابيوت
يونس صار شعبــــــــــــك ونته تدريه
شجاك انته اعله شعبك عازم الحوت
وشفت حيدر علي وما صحته مجبور
لان الانتخابك ضامه الصـــــــــــــوت
يا مخرج فلمنه انريد تصـــــــــــحيح
لان قصتك اضن كاتبهه تابــــــــــوت
كلهه اتموت لازم قصتك ادكــــــــول
حته البطل عدك لازم ايمـــــــــــوت
م
رد مع اقتباس
