خدمة محبي باسم الكربلائي تقدم:
قصيدة : محتار جم لوعه شفت
للشاعر : جابر الكاظمي
رثاء الامام الحسين (ع)
اصدار يا حسين
محتار .. جم لوعة شفت
محتار .. أمشي و التفت
و آنه وحدي .. وعيلة عندي
منهو بعدي .. يحمي حدي
حسين .. هاي الصرخة عليًّ ارتفعت من صوب عيالي
حسين .. صاحن باسمي و زيدن همي شعبن دلالي
حسين .. طفلك هذا يريد يودعك يا آخر والي
حسين .. مو بلسانه بدمعه يردد هالصوت العالي
جفني ينضح .. دمعي يسفح
تالي يصبح .. خالي مهدي
و آنه وحدي .. وعيلة عندي
منهو بعدي .. يحمي حدي
حسين .. طفلك آنة و تلفح روحي بجمرة آلامي
حسين .. جبدي تفطًّر جلمة و تظهر من قلبي الظامي
حسين .. هاليوم أصبح يوم المحنة و آخر أيامي
حسين .. و شلون أشرب دمعة عيني و المدمع دامي
شتفيد .. يبني دمعتك
شتفيد .. ذابت جبدتك
ارد اسألك .. وين أحملك
و آنة مثلك .. يغلي جبدي
و آنه وحدي .. وعيلة عندي
منهو بعدي .. يحمي حدي
حسين .. ادري بحالك ناري التلهب تشبه نيرانك
حسين .. خذني لصدرك و اطلع بية لساحة ميدانك
حسين .. خليني اسمع جلمة و تطلع من طرف لسانك
حسين .. عن هالحالة المرَّت بية خبّر عدوانك
عدوان .. يبني بلا شِيَم
عدوان .. ماعندهم رحم
هذي امة .. بلايا ذمة
بلايا رحمة .. كلها ضدي
و آنه وحدي .. وعيلة عندي
منهو بعدي .. يحمي حدي
حسين .. لاشك تعطف هاي الوادم لوشافت زغري
حسين .. ريتك منهم ماي تحصِّل و تخمد جمري
حسين .. بيش اتصبًّر شافت عينك هالحالة و تدري
حسين .. بس لا خصمك يفجع قلبك و يصوب نحري
يرموك .. لا شك هالخبر
يرموك .. نبلة بالنحر
هالرزايا .. والمنايا
بالرواية .. رواها جدي
و آنه وحدي .. وعيلة عندي
منهو بعدي .. يحمي حدي
رد مع اقتباس
