خدمة محبي باسم الكربلائي تقدم:
قصيدة : ياسائلي عن فاطمة
للشاعر : جابر الكاظمي
رثاء السيدة فاطمة (ع)
اصدار اقصدوني


يا سائلي عن فاطمة
مصابها ما اعظمه
ناعي الاسى يصرخ في المدينة
قد دفنت فاطمة حزينة

تريد انطيك يالسائل
جواب ايصب كدر وهموم
مو بس الحسن وحسين
ولا زينب وام كلثوم
الشرف والطيب والعفه
ودين الخالق القيوم
كلها انفجعت الليلة
كلها اتيمت هاليوم
جاء من اللوح النداء
قد غيبت شمس الهدى
اليوم امست في الثرى رهينة
قد دفنت فاطمة حزينة

مضر ذبلت مرابحها
واشوف ابكل غصن زهره
هجير النوح ذبلانه
تحن لمصيبة الزهره
الثريه اتنوح چن فگدت
سماها كوكب الزهره
ايمها اتسموا ابگلبه
نفذ سم الحزن زهره
الروح في عليائها
تبكي على زهراءها
روح الامين قد تندب الامينة
قد دفنت فاطمة حزينة

طفت عين السمه الليلة
تفرز بيها سهم الهم
بدت تنثر سحايبها
مطر لا هو دمع لا دم
مثل ما بضعة الهادي
ضلعها الطاهر اتهشم
انهشم ضلع السمه الليلة
نصبت بالحزن مأتم
وصرخة منها بدت
ام الحسين استشهدت
عاشت مع الحزن له قرينة
قد دفنت فاطمة حزينة

عاشت بالحزن والهم
ماتت بالقهر والجور
لا تسأل يالزائر
گبرها ابيا ارض محفور
گبرها ابگلب كل مؤمن
وصفن گلبك وگلبي اگبور
هذا دمعك ودمعي
سدر للطاهره وكافور
في كل ضلع كسرها
في قلب قبرها
والكل ابدى بالاسى انينه
قد دفنت فاطمة حزينة

الفخر استاره نزلها
و العز نكس الاعلام
اندفنت بضعة الهادي
وچنهم دفنوا السلام
كتاب الله عليها اينوح
وتنحب مهجة الاحكام
مثل حال الحسن وحسين
الفخر والعز غدوا ايتام
بنت النبي المصطفى
تبكي لها عين الصفا
مذ عفر الكون لها جبينه
قد دفنت فاطمة حزينة