خدمة محبي باسم الكربلائي تقدم:
قصيدة : دليلي ابهم
للشاعر : هيثم سعودي الكربلائي
رثاء الامام الحسين عليه السلام
دليلي بهم .. دمعتي ابدم
على فرگاك .. على فرگاك
بديت اوياك بعتابي يبو اليمه
انه ابفرگاك والله الموت الي رحمه
نخيتك يمته ينزاح الگلب همه
واشاهد هالخلگ بالحضره ملتمه
العتب ما فاد .. يبو السجاد
واظل انخاك .. على فرگاك
نخيتك هالبعد طال وجزه حده
وكاس الصبر بعدك فاض واتبده
يبو السجاد جرح البعد شيضمده
وگلب المنكسر يالوالي شيشده
الگلب مجروح .. يهالمذبوح
عتبنه وياك .. على فرگاك
اعاتب سيدي ودمعاتي مذروفه
اخذ گلب المحب يا سيدي وشوفه
يمن چنه ضريحك نصل ونطوفه
اصبح بس حلم نتسله بطيوفه
يضامي حيف .. يظل بس طيف
ضريحك ذاك .. على فرگاك
يضامي ارواحنه مرات ننساها
لچن ننساك خاشه لا يبن طه
حتى الرضاع التنذبح عيناها
تدير اعيونها وتشبح المولاها
تدير العين .. الك يحسين
تظل تنعاك .. على فرگاك
يضامي الرضع ابريع العمر صارت
والشبان بسنين الهرم دارت
والشيّاب والله افرگتك حارت
وچم واحد لفاها الموت واتوارت
لفاها الموت .. وبگه بس صوت
نشوف اهناك .. على فرگاك
يضامي لا تظن اجزع امن اعتابك
لچن طال العتاب وطغه اعله مصابك
اريد انخاك ياللي حرگوا اطنابك
تره گلب المحب محترگ لغيابك
يظامي بس .. غيابك مس
مته نلگاك .. على فرگاك
رد مع اقتباس
