ابراج اليوم الخميس 16 ابريل 2020 ماغي فرح
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر بالدلو عنصره هوائي كوكبه أورانوس...
توقعات برج الحمل اليوم الخميس 16 ابريل 2020 ماغي فرح
الحمل ♈
مهنياً:عاطفة ومال وعلاقات كتيرة .. شغل كتير وعلاقات اجتماعية وانت افضل لتحسن امورك صح عندك ضغط شغل وناس كتير وعم تعالج امور كانت متعبتك وبدك تلحق شغلك كلو بهاليوم الاضواء مسلطة عليك وعلى شغلك وممكن مال يجيك من شغلك وعم تفكر تغير شي او تعمل تغييرات وكتير يومك في لقاءات مع رفقاتك واهلك وناس بتحبن..
عاطفياً:كتير كان في برود وفتور بالعاطفة عندك واحداث كتير تعبتك يومك افضل علاقات كتيرة وحب عم يكبر وفي مصالحات والحظ بيدعمك بحلول جديدة بتكون مميز وساحر وجذاب استغل هاليوم اذا عندك لقاء لتحسن وضعك ..صداقات ممكن عم تتحول لاعجاب وارتباط وعلاقات حميمية وسرية عند البعض.
صحيا:خفف منبهات وتدخين معرض لصداع شديد وحموضة قوية ..
غنيتك اليوم:انا عندي حنين..فيروز
توقعات برج الثور اليوم الخميس 16 ابريل 2020 ماغي فرح
الثور ♉
مهنياً:علاقات اجتماعية ومهنية نتبه وخليك محافظ على سمعتك .. بتجهز الاختبارات بيومك ولازم تكون صاحي ولا تخالف او تغلط لانو الغلط ممنوع بشوية هدوء وتركيز بتنجح وبتوصل .. ممكن عمل جديد او تحسن بشغلك او نقل لو كترت المسؤوليات لازم تكون قدا وفرصة عند البعض لشهرة وشعبية كبيرة ..
عاطفياً:يوم مزاجي متقلب امورك نوعاً ما افضل وفي اخبار منيحة الك وتتطورات جديدة بعلاقاتك .. بشكل عام المتزوج وبلاخص الي علاقتو متوترة بدك تنتبه على وضعك حتى ماتخسر لا تنفعل وتكون عصبي وحاول تكون دبلوماسي لتستقر أمورك شيل الافكار سودة من راسك ولا تبقى لحالك وتقرب أكتر ..
صحياً:لا تفكر كنتير وتعب حالك وخفف مجهود بيومك ممكن قصة صحية الك او لحدا مقرب بتشغلك ..
غنيتك اليوم:مش عايزة غيرك انت..شيرين
توقعات برج الجوزاء اليوم الخميس 16 ابريل 2020 ماغي فرح
الجوزاء ♊
مهنياً:القمر ببرج الدلو الصديق الي رح يحسن وضعك وبتوصل وبتقنع برأيك اتصالات او لقاءات مهمة وناس كتار وعلاقات حلوة عندك .. فرصة تنقلات عم تحسن امورك المهنية وفي تقدير لجهودك حركة بيومك خليك واثق من حالك ولا تتردد بحل مشاكلك بشغلك وبيتك استغل هالفترة لصالحك ..
عاطفياً:القمر بيعطيك جاذبية وسحر خاص وبتأثر على الكل عانيت من فترة متعبة من الشريك وكان في توتر وصعوبة بتواصل او خف بالفترة الاخيرة يومك داعم الك عاطفياً رومنسي في تفاهم وتقارب بيومك وخبر حلو وشريك عم يتواصل والاعزب في اعجاب وناس جديدة عم تدخل حياتك وتواصل بشكل اكبر ..
صحياً:ابتعد عن ناس سلبية بحياتك ورح جسمك ونام منيح في تعب جسدي وفكري ..
غنيتك اليوم: أنساي .. سعد
توقعات برج السرطان اليوم الخميس 16 ابريل 2020 ماغي فرح
السرطان ♋
مهنياً:يومك بدور بكل مايخص الامور المالية من شراكات وموارد وديون ومصاريف واكيد في قبض .. بعد تعب على عدة اصعدة وبلاخص المالية بتتحسن امورك حاول تبتعد عن قصص حوليك وهتم بشغلك وبيتك بتكون مشغول بس بشوية بتركيز بترتاح بتوصل الاتفاق او شراكة في اتصالات مهمة تواصل واجواء عائلية ولا ترد على بعض الاستفزازات.
عاطفياً:فكر بوضعك وعيد حساباتك خففلي عصبيتك واستفزازك وقلقك ولا تتسرع بقراراتك لان اليوم منيح وممكن يتغير في كتير قصص وممكن تلاقي حلول كتيرة بعلاقتك وتحسن ايجابي بعاطفتك وجاذبيتك.. وممكن لقاء حلو او اتصال رومنسي المهم حاول تقضي وقت مع الشريك اليوم بين لقاء واتصال اذا بعيد عنك ...
صحيا:مابدي نبهك على صحتك بس بدي قلك اعطي اهتمام لصحتك متل مابتعطي اهتمام لامور تانية بحياتك ..
غنيتك اليوم:الي بعنا خسر دلعنا...راغب علامة
توقعات برج الاسد اليوم الخميس 16 ابريل 2020 ماغي فرح
الأسد ♌
مهنياً:علاقات وشراكات وقصص جمعيات اما مالية او سكنية وانت مو ع بعضك .. مانك مرتاح ومابعرف شبك مكركب بدي منك لا تتسرع وتعمل من الحبة قبة بحاجة لرواق والهدوء وتبتعد عن التشائم مافي شي بيبقى على حالو شوية ضغوط وبتمر في عرض او شراكة وبتجهز اوراق كون دبلوماسي بتعاملك وبعد عن توترات والاستفزازات وكون مساير بهاليوم لترتاح ..
عاطفياً:في حيرة وقلق عم يسيطر على وضعك وانت عم تلوم الشريك وعندك شكوك وغيرة ونقد وهاشي مو لصالحك نتبه لوضعك ولا تزيد الوضع كركبة خليك متفائل ولا تكبر الامور وممكن فرصة حلوة لتطلع مشوار او سهرة بصحبة الشريك .. والي عم يفكر بارتباط عندك فرصة كبيرة بهيك يوم ليصير علاقة ..
صحياً:عندك اهتمام بعالم رشاقة وجمال وصحة بس كمان ممكن تتعرض لصداع ومشكلة بأحد الاطراف ..
غنيتك اليوم:انا مش عارف اتغير...تامر حسني
توقعات برج العذراء اليوم الخميس 16 ابريل 2020 ماغي فرح
العذراء ♍
مهنياً:بين ضغط ومسؤوليات حافظ على صحتك ونتبه
في تغيرات بيومك وعم تحسم امور بشغلك او ممكن تم اتفاق وبعض الامور المالية وبتكون كتير مضغوط بشغلك ومسؤوليات كل مانها عم تكبر وبتحس كلو اجا بوقت واحد ولحق اذا بتلحق نظم امورك ورتب وضعك وبلش بالمهم لتخفف عنك هاضغط وبتقدر تغير جو بسهرة ولمة حلوة ..
عاطفياً:دور على حب يغير من الواقع شي احسن ماتبقى مكانك راوح وتقضيا حكي مامنو نتيجة .. مانك مرتاح وفي ضغوط من الشريك واهتماماتو عم تكون عكس اهتماماتك يعني مافي انسجام وتفاهم وبتحس كل واحد عايش بديرة .. بدي منك تكون حذر من ضغوط ولاحتكاكات والكلام العشوائي خليك واثق بحالك وبعد المشاكل بيومك حتى ماتخسر لا ترد على كلام ناس كمان ..
صحياً:ريح حالك وغير جو برا البيت بعيد عن الاجواء صاخبة ونتبهلي على مشاكل المعدة.
غنيتك اليوم:كيفك انتا...فيروز
توقعات برج الميزان اليوم الخميس 16 ابريل 2020 ماغي فرح
الميزان ♎
مهنياً:القمر ببرج الدلو الصديق .. يوم حلو في طاقة واخبار حلوة وتحسن بعد تعب من قصص شغليتك وعملتلك توترات بلاخص بتلاقي حلول لمشاكلك العائلية والمهنية .. استغل الفرص بهاليوم وممكن تكون مفاجئة الك اجواء حلوة واتصالات كتيرة وشي بخص المال والاطفال بيومك المهم لا تأجل شي وتخلص المهم ولا تتكل على حدا.
عاطفياً:من الايام المميزة عاطفياً استغل فيها جاذبيتك وحليان والعين عليك وحضورك ملفت يوم في حب وعاطفة حميمية واذا شريك بيستاهل معلش ساير وقدم شوية تنازلات ممكن غيرة وشكوك زايدة لا تتردد بهاشي اوقات حلوة بأنتظارك وفرصة بوقتها.. بتعود الامور لوضعها طبيعي وصلحة وحل لمشكلة مع الشريك .. ممكن شريك قديم والبعض اتفاق وخطبة .
صحيا:نتبه من اي وعكة صحية والتهابات ومشاكل بالعضلات والمفاصل.
غنيتك اليوم:حبيت ما حبيت ماشاورت حالي.. فيروز
توقعات برج العقرب اليوم الخميس 16 ابريل 2020 ماغي فرح
العقرب ♏
مهنياً:بتشغلك قصص كتيرة وتوتر يمكن بالعيلة وبتحس حالك فاقد لطاقة او مالك نفس على شي .. عم تكبر المسؤوليات وضغط عم يزيد حاول تنتبه على وضع العيلة او بعض العلاقات حواليك وبتكون بحاجة للمال .. في نقاشات وتغيرات او نقل لسكن او مكان .. في سوء تفاهم ركز وروق نشالله بيمرق هاليوم لا تخاف حاول تطلع بأقل الخسائر وتساير بطرق اكثر دبلوماسية ..
عاطفياً:عم تعاني روتين بحياتك العاطفية وشوية جمود وبرودة ولازم يكون في تغييرات واهتمام اكتر وضخ دماء جديدة بالعلاقة في غيرة زايدة وتعب وفي استفسارات .. روق وهدي شوية كركبة لا تخليها تعملك مشاكل كبيرة كلو بينحل ولامور رح تتحسن بس روق هاليومين .
صحياً:في عندك تعب وارهاق في قصة عائلية بتشغلك او صحة حدا بعيلتك ..
غنيتك اليوم:لا بعدك حبيبي...وائل جسار
توقعات برج القوس اليوم الخميس 16 ابريل 2020 ماغي فرح
القوس ♐
مهنياً:استغل يومك والفرص الي ممكن تجيك .. صح عندك شغل ومجهود عم تبذلو لكن بتنجح عندك فرصة تنقلات بيومك حتى ممكن تدخل شي جديد او علم جديد او بتجهز لاختبار وقصص دراسية عندك .. بتكتر الاتصالات ولقاءات المهمة وبتنشط أجتماعياً حتى عندك حركة بيع وشراء وبتشغلك قصص عقارية طاقتك ايجابية مابتحب تخسر وبتنافس قادر توصل صوتك وتقنع وبتكون واثق بحالك ..
عاطفياً:استغل هاليوم لتعزز علاقتك وتحل مشكلتك وفرصة لمصالحة .. لازم تطلع من الاجواء الي عم تمر فيها والاجواء المحيطة الي عم تسبب ضغط اكتر عليك يوم بكون داعم الك ليكون في تبادل للمشاعر ولقاءات او اتصالات وبتقدر تقنع بأفكارك وتمتلك الجاذبية في شي حلو بيومك وممكن بدك تهدي او تتلقى هدية او تغير شي عندك ..
صحياً:لا تعب حالك بشي مو مهم وتبذل طاقة على شي مو وقتو ريح حالك هالفترة ..
غنيتك اليوم:اجا ليل ..حسين الجسمي
توقعات برج الجدي اليوم الخميس 16 ابريل 2020 ماغي فرح
الجدي ♑
مهنياً:تغيرات نسبية بشغلك قرار جديد او شغل جديد عم دور قصص هاليوم بين تنقلات وقصص مالية اغلبها مصاريف عم تكتر لكن في قبض مالي او مكافئة الك حتى ممكن يصير نقل عند البعض بشكل عام وضعك بدو ترتيب وبلاخص المالي عم تعيد حساباتك وفيك تتأقلم مع الوضع لان عندك الارادة وتصميم مرق هاليوم لترتاح وبتشوف ناس الك فترة ماشفتها وحاول تغير جو بمكان ترتاح في .
عاطفياً:مو مرتاح بيومك وكانو تواصل عم يخف والمشاعر فيها برود وتصرفات الشريك ومعاملتو بتحس انو متغيرة ..حاول تتقرب أكتر وتعطي الاهتمام على الاقل لتعرف ليش متغير وشو الي شاغلو كمان انت خفف شكوك وغيرة ولا تتسرع بشي حتى ماتتعرض لنقد ولوم وكلشي بالهدوء ورواق بصير .. حتى البعض ممكن يكون في مشكلة بسبب مال او مصاريف وحاسس بالوضع لا يحتمل .. لمرتبط جديد والأعزب تواصل واتصال وشخص بيرجع بعد غيبة .
صحياً:نتبه على صحتك وخفف سهر وتناول طعام بوقت متأخر او لاكل الجاهز لان ممكن يسبب مشاكل المعدة وتفخة وعسر هضم ..
غنيتك اليوم:على بالي.. شيرين
توقعات برج الدلو اليوم الخميس 16 ابريل 2020 ماغي فرح
الدلو ♒
مهنياً:القمر ببرجك استغل فترة مهمة عندك لتطلع من تعبك وتلاقي الحظ وطاقة بيومك اخبار حلوة ناطرتك وحلول لعدة مشاكل ومشروع جديد بتتحسن امورك تدريجي وانفراجات ونشاطات بتقوم فيا واتصال بيحمل أمور أيجابية والبعض فرصة لنقل .. بتلاقي دعم والمساعدة عندك حرية بالحركة وتصرف وعم ترجع ثقة ومكانتك بتعود في نقاشات وحسم وامر مالي واذا بحاجة بتتلبى ..
عاطفيا:رغم قلبك تعبان من جوا بس هاشي مابيمنع انك قادر تكسب قلوب وتلفت نظر وتكون محط الانظار بيوم داعم عاطفياً .. جاذبية وحليان و واثق بحالك وبتصرفاتك ومانك ندمان على شي اخبار حلوة بيومك ثقة بترجعلك وتبادل للافكار في اوقات حلوة واتصالات وسهرة ولاعزب حب جديد بدق بابك او بتحس اهتمام من اشخاص كتار وعلاقات حميمية ..
صحيا:نظم اكلك ونومتك وخفف سهر لان ممكن تعاني تعب وارهاق وكسل بسبب الجو رغم طاقتك لكبيرة .
غنيتك اليوم:صدق وصدقني .. وائل جسار
توقعات برج الحوت اليوم الخميس 16 ابريل 2020 ماغي فرح
الحوت ♓
مهنياً:علاقات اجتماعية كتيرة ومانك مرتاح للبعض الي حواليك وممكن تخسر شخص غالي نتبه من سوء تفاهم وخفف قلق ومابعرف حاسس او في شي مفاجئ وطارئ بيومك .. بدي منك تخفف من حدة كلامك ونقاشاتك بشغلك وببيتك ومع رفقاتك حاول تمرق هاليوم بلا مشاكل وفي ناس بوجهك شي وبضهرك شي كون حذر منن .. حاول تطلع برا البيت وتغير جو وخلي حدا يعزمك ..
عاطفياً:اهمال ولخطوط الحمراء عم يتجاوزها الشريك تقصير وعدم لامبالات عم يسبب عندك فضول وحيرة حاول تكون زكي بيومك فوق كلشي ممكن الشريك يحاول يقلب طاولة عليك نتبه لنقاشاتك معو مافي رضى عن الوضع .. لا تكبر الامور مابدي ياك تخسر ولا تكون عنيد ومستفز وروق وخليك منطقي.
صحياً:مافيك تقاوم المغريات وبلاخص لاكل طيب والحلو لهيك توقع مشاكل بجهازك الهضمي ..
غنيتك اليوم:سبت فراغ كبير .. عمر دياب
رد مع اقتباس
