هنا

[أبن ألأشتر]

لااعرف كيف أبدأ الموضوع .
نحن في حصار اجباري ذاتي .ولامتنفس لنا سوى التلفون والتلفزيون .
وفي هذة الايام يجب مراعات مشاعرنا من قبل القنوات العربية .اما العراقية فلقد صارت برامجها سياسية .
وياريت نسمع بها اشياء جديدة .
الشعب يصيح ويموت ويطلب ازاحة كل من تحت قبة البرلمان واسيادهم .
وهم يقولون (الكتلة الكبرى والكتلة الصغرى قررت). اي كتله ونحن اساسا لانعترف بها .
المهم .
انا مستغرب .من القنوات في هذة الايام .
الا(mbc ) كلهم يعيدوا نفس البرامج ونفس الافلام .
اما العراقيات ولاوحده الهتنا ولو قليلا بالجديد وحتى بالقديم ايضا . .. ماكو .؟
ياترى من المنسق للبرامج
ومن المسؤول عن التنسيق . افلام mbc كلهم حفظناهم عن ظهر قلب .وكأن كل افلام الدنيا فقط ذول اللي يعرضوهم .
اعرضوا لنا افلام الكابوي القديمة اعرضو لنا شيء جديد او مسلسلات حتى لوقديمة بشرط انها غير مكررة في كل شهر مرة
يارب
تنبّه المسؤلين ويعرضون الطيب والجميل

[تّـفـاَصيلـٓ]

كل شيء خاضع لمصلحته .. تعتيم متقصد

ينقل للقسم المناسب

[ام اولادي]

السلام عليكم اخي الكريم بصراحه موضوع جميل نتمنى انو احد يلتفت لكن مدام بدات الموضوع اسمحلي اشاركك بي ونستذكر افلام ومسلسلات قديمه نتمنى لو يعرضوها لكن العناوين مرات تغيب عن بالنا خلي نتعاون ونستذكر عندك مثلا فلم طائر فوق عش المجانين بطولة جاك نيكلسون وعندك رجل المطر بطولة داستن هوفمان وتوم كروز وعندك افلام بود سبنسر ومسلسلات الوادي الكبير ودالاس وعندك افلام روبرت ريذفورد وراح اتذكر وارجع ان شاء الله تحياتي لك وتقديري لموضوعك بارك الله فيك....

[المستشار القانوني]

سلمت يداك.. فعلا

[أبن ألأشتر]

السلام عليكم اخي الكريم بصراحه موضوع جميل نتمنى انو احد يلتفت لكن مدام بدات الموضوع اسمحلي اشاركك بي ونستذكر افلام ومسلسلات قديمه نتمنى لو يعرضوها لكن العناوين مرات تغيب عن بالنا خلي نتعاون ونستذكر عندك مثلا فلم طائر فوق عش المجانين بطولة جاك نيكلسون وعندك رجل المطر بطولة داستن هوفمان وتوم كروز وعندك افلام بود سبنسر ومسلسلات الوادي الكبير ودالاس وعندك افلام روبرت ريذفورد وراح اتذكر وارجع ان شاء الله تحياتي لك وتقديري لموضوعك بارك الله فيك....

يمكن قنواة الـ mbc مبرمجين كمبيوتر وحاصرين هذة البرامج المكررة . وجاعلين الافلام تعمل واحد من بعد الاخر وبوقت معين .ويشتغلوا .الحالهم (اوتاماتيك)
وقافلين الاستديو وراحيين الى حيث مايحبّون من الامكنة . يمكن الباقي منهم حرس الدائرة فقط .
والافلام تعمل حسب برنامج محدد .؟
اما العراقيات فهذا شيء عرفناه سيطر عليها من يتملّق الى اهل الدين .على اساس حرام عرض الافلام الاجنبية وهو بعيد عن الحرام والحلال .
لاننا لانعتقد اكو مسؤول بالدولة يمت بصلة مع الله .
منهو بالله المعمم لوالافندي .؟
الشيعي لوالسني . السيد لوالعامي .كلهم يتطلعون الى شرم الشيخ وتعدد الزوجات بالسر او العلن .
عمي نترحم على موتاكم . ترى محصورين وكما تعرفون مامر علينا بس لوحصار عن الطعام لوحصار من المرض واحلى ايام العراق هي ايام الحرب .؟
اليوم اربع وعشرين ساعة .
6 ساعات باليوم برامج دين .والمضحك ان مسؤولينا ولاواحد يصلّي من صدك .
3ساعات باليوم دعايات
2- فواصل موسيقية بلامعنى لارومانسية ولا مدري شنهو .
اشكد صار .هاي 11 ساعة خلصا من الاربع وعشرين اشكد بعد .
واربع طعش ساعة .مقابلات . (ابوالبرنامج )مارأيك بقول السيد المسؤول الفلاني .
راح الرجل اللي يقابلونه . يشطح .
اول مايبدأ بكلة الصــــــــــــــراحة .ان السيد هيك وهيك .
وتاليها كلشي ماكو لاحظ ولابخت .
ازدنا على اليوم اشكر كم ساعة ماادري . ازدنا وقت ومامكفي للكلشي ماكو .
حتى شبابنا ضاعو تشوفهم كلهم محنبين ع التلفون لان ماكو تنسيق وعرض اشياء حلوة بالتلفزيون كلها
من النوع الثقيل الممل .
يمكن مقصودة السالفة ومسؤولين البلد فرحانيين ابهاي .
حتى يأخذو دور الفأر عندما يغيب القط

[Suzana]

شكرا ابن الاشتر موضوع مهم وقيم ..
بالنسبة اليه اتابع سبيستون "ريمي وبائعة الكبريت ومودا ومودي باستايل كورونا"وشويه ع الاخبار العربية والشرقية والدرر ..
ع اليوتيوب اتابع المسلسلات والافلام اللي اريدها ..تابعت وهم وتابعت طريق النحل بهالفترة ..
وافلام اجنبية اما مرعبه او اجتماعية وبلاهم اللي يفرضون اذواقهم علينا..

[qas!m]

القناة المجانية اللي تقدم محتوى جدير بالمتابعة هي ناشنال جيوغرافي
باقي القنوات محتواها هزييل .. اما القنوات العراقية فبااائس جدا ومن ضمنهن ام بي سي عراق

[أبن ألأشتر]

انا اتابع افلام واخبار على كمبيوتر منزلي .
اما ام العيال بس تنظف وتطبخ ودردم .هسة لامسلسلة بالعراقية
هي اتحب كل انتاج عراقي .
تمثيلية او مسلسلة .
وتتمنى كون حديثة .
يعني انا في غرفة وعيالي كل واحد ابزاوية بالبيت
وحده تطبخ واحد على العاب كيم .
يعني ماكو جمعة على شيء يوحدنا مثل فلم لومسلسل يشد .
بس تركية .والتراك مااعرف اشلون يمثلون .
واحد يشجع بنته اويسكت على بنته وهي تزنــــ .......... ويروح للجامع يصلي عادي .
ووحده تهجر زوجة وتروح مع عشيق بالفندق اسبوع شهر وترجع
تقول الى زوجة .اعتذر .سوري وعادي يقبلها (الحمار) حشاكم هاي بالمسلسلة
ابروح والديكم ايصير بنتي تتابع هيج مضمون
اشمالهم انغبكو ربعنا .
بينما عندنا احداث سياسية واجتماعية عراقية لامثل لها .
ماتنتهي مادام السماء مرفوعة .
بس العراق
الكل يضرب عليه ومن كل جانب .وجماعتنا الساسة .
بس يركضون وراء العلاقات العربية والراتب والمخصصات
قبحكم الله

[ام اولادي]

اخي الكريم سمحت لنفسي بالمرور مرة اخرى للمشاركه لكن اسمحلي اسال سؤال الغايه من الموضوع هل هي نقد للبرامج ام نقد للسلوكيات المفروضه علينا في كل جوانب الحياة موضوعك تفرع واذا نريد نتحاور بي فيجب ان نركز على مساله حتى لاتتشتت الردود... بالنسبه للبرامج الخلل ليس بالقنوات فقط وانما بالمتلقي نفسه لان القنوات كثيره وعرض البرامج والافلام هذا شي من ضمن اقتصاديه القناه لان مثل مانعرف انو هذي القنوات اغلبها تابعه لاشخاص يجعلون الفائده اولا لانهم يحسبون تكاليف القناة ومستحقات العاملين عليها لذلك نعتبر انو اكثر القنوات تفكر في مردود القناه بالنسبه لهم حالها حال اي شي قبل كان التلفزيون عباره عن قناتين فقط اولى وثانيه وقت لكرتون ووقت لفلم ووقت لبرنامج والناس قانعه وراضيه وفرحانه تتنظر موعد برنامجها المفضل بفارغ الصبر وتتهيئ كانما تتهئ لحفلة عرس الان مع كثرة القنوات وكثرة الخيارات تجد الناس يصيبها الملل وتنتقد وهذا يرجع للمتلقي نفسه لان مل وصار عنده اشباع هسه لو نسوي احصائيه راح نجد ان كثير من الاشخاص خلال هذي الفتره من الحظر ملو من الموبايلات والتلفزيون هذا سببه نفسي واعذرني للمداخله لكن نحن هنا في منتدى للحوار ويجب علينا ان نكون صادقين في الرد اللي تشعر به الان هو نتيجة الملل والتعب من الوضع العام اللي يتكرر مثل سؤال تكرره للكل ماكو جديد المساله ابعد من كونها انتقاد لقناة المساله هي انتقاد لواقع باكمله ونتمنى على الله ان يفرج همومنا ويزيح الغمه عن هذه الامه ويعفو عنا .....تحياتي لك الموضوع مهم ومتشعب لانه يخص الاغلبيه والاغلبيه تشعر بنفس الشعور لكن لانقول الا لاحول ولاقوة الا بالله العلي العظيم.... بارك الله فيك

[أبن ألأشتر]

اخي الكريم سمحت لنفسي بالمرور مرة اخرى للمشاركه لكن اسمحلي اسال سؤال الغايه من الموضوع هل هي نقد للبرامج ام نقد للسلوكيات المفروضه علينا في كل جوانب الحياة موضوعك تفرع واذا نريد نتحاور بي فيجب ان نركز على مساله حتى لاتتشتت الردود... بالنسبه للبرامج الخلل ليس بالقنوات فقط وانما بالمتلقي نفسه لان القنوات كثيره وعرض البرامج والافلام هذا شي من ضمن اقتصاديه القناه لان مثل مانعرف انو هذي القنوات اغلبها تابعه لاشخاص يجعلون الفائده اولا لانهم يحسبون تكاليف القناة ومستحقات العاملين عليها لذلك نعتبر انو اكثر القنوات تفكر في مردود القناه بالنسبه لهم حالها حال اي شي قبل كان التلفزيون عباره عن قناتين فقط اولى وثانيه وقت لكرتون ووقت لفلم ووقت لبرنامج والناس قانعه وراضيه وفرحانه تتنظر موعد برنامجها المفضل بفارغ الصبر وتتهيئ كانما تتهئ لحفلة عرس الان مع كثرة القنوات وكثرة الخيارات تجد الناس يصيبها الملل وتنتقد وهذا يرجع للمتلقي نفسه لان مل وصار عنده اشباع هسه لو نسوي احصائيه راح نجد ان كثير من الاشخاص خلال هذي الفتره من الحظر ملو من الموبايلات والتلفزيون هذا سببه نفسي واعذرني للمداخله لكن نحن هنا في منتدى للحوار ويجب علينا ان نكون صادقين في الرد اللي تشعر به الان هو نتيجة الملل والتعب من الوضع العام اللي يتكرر مثل سؤال تكرره للكل ماكو جديد المساله ابعد من كونها انتقاد لقناة المساله هي انتقاد لواقع باكمله ونتمنى على الله ان يفرج همومنا ويزيح الغمه عن هذه الامه ويعفو عنا .....تحياتي لك الموضوع مهم ومتشعب لانه يخص الاغلبيه والاغلبيه تشعر بنفس الشعور لكن لانقول الا لاحول ولاقوة الا بالله العلي العظيم.... بارك الله فيك

أنا أخص بهذا الموضوع فقط عن المتلقي اللي يشبهني .
يعني لاسياسي انا ولامسؤول كبير ولاطالب علم كبير مجتهد حتى اتابع كل صغيرة وكبيرة من اجل اكمال دراستي .؟
ولاتاجر حتى أتفنن ببيع سلعتي .من خلال بعض البرامج المدري شنهو .او ابحث عن مشروع لعل وان تعلنه احدى القنوات .
انا اريد شيء يجمعنا كعائلة .مثل مسلسل جديد .عربي
اجد فيه شيء من واقعنا .
مثل افلام يحددون وقتها حسب وضع الشعب العراقي .يعني الصبح يخرج للعمل بعد الظهر يأخذ قيلولة .
ينهض العصر يقضي متطلبات البيت .يأذن المغرب يروح يصلي وبعدها يتمنى ان يجد شيء يجمعه على قنفه وحدة .
مع زوجته واعياله .
الجماعة في هذة الاوقات يستغلّوها بلقائات كلها ضد الشعب .كيف ضد الشعب .
اتذكر كان مثل عند اهالينا القدماء
(حاشاكم المثل يضرب ولايقاس)
(نفس المطي بس غيروا يلاله) اليلال .يعني غطاء على ظهر الحمار يشبه السرج على الفرس الفرق .اليلال من اجل لايجرح ظهر المطي والسرج للركوب عند الفرس .
فمقابلاتهم كلها تثبيت هذة الحكومة بهذة الطريقة .اي من خلال هذة المقابلات على شاشة التلفزيون ومثل ماتشوفين .
أجا .علاوي وراح علاوي وجاء الزرفي ومشى الزرفي
واحنه ظالين بس تلفزيوننا حديث وغالي وماخذ نصف الحائط .الجدار .
الحمد لله على بقاء الروابط الاجتماعية .اتصير هوسة بالديوانية مابين النقاش والجدل .؟
وهذة الايام محصورين .فأقول من المفترض ان يعيدوا تنسيق البرامج حسب ايام الاسبوع العراقي من السبت الى الجمعه .
ويقللوا من المسلسلات المكسيكية والتركية السخيفة المعيبة بالمضمون والقصد .
هذا قصدي.
يعني يراعونا .بأفلام ومسلسلات تشبهنا .وبتنسيق يرضي كل الاطراف الموظف والعاطل .
تحياتي الى ام الاولاد الكرام