هنا

[فقار الكرخي]

ها ياصاحبي متانيك
موكتلي العمر مايحمل العثرات
من تثگل اجدامك عقلك يمشيك
مو كتلي الدمع مايرخص شما طاح
خل تطلع العبرة الماتهل تبجيك
موكتلي اليضيع بلا ذنب ينعاب
ها ياصاحبي شو ماشفتلك باب
صرت تراب
جا مو مرة كتلك من اموت شلون
كتلي المايموت الخاطرك جذاب
ها ياصاحبي شوده الدمع وشجاب
غربت بربيعك يابو المتانين
بعده الدرب أخضر وانت بعدك طين
بعده النعش فوگ إجتاف المشيعين
يلهج ماهو داري يزتك تزته
بعده العمر چلمة شبيك سولفته
يالچنت اعله طولي ولام
چان گدار جفني الليل هسه انت
چان الموت حسبة طيف هسه بصحوتي شفته
راكد وبحلات الماي ماحسبت تالي الكيض
يشرب موتك سكته
ماحسبت عمرك فات من وكته
حاجيني يذاك انت، الصدگ مملوح
گلي اخر ايامك ليش
چنت اشتاقلك كل ماتريد تروح .








حسن قاسم

[انثى مخمليةة]

عاشت ايدك

[بٰـہٰٖغٰـہٰٖدآديٰـہٰٖة]

روعاتك