طحت كـــــــــدامهم وتونسو حيل
مدري اشلون عـــــايش انه بجفاك
على الصفنات عـــــايش والتصاوير
من كــــد ما صفنتي اطول مـــرات
على اجتافي بنت عـــش العصافير
مشيت ابلا وعي من دون ممشاك
وخذو من عيني شماتي التفاسير
طحت كـــــــــدامهم وتونسو حيل
خشبه وطاحــــت ابحضن التتنانير
شلت منهم ســوالف بين الاظلوع
خناجر بيهن وبيهن بســــــــــامير
بديهم روحي طاحت لاكـن اشلون
حفنه مـــــــــــاي بجفوف النواعير
غيابك طال احسه وعمري كـصران
يجيني الموت قبلك يمكـــن اتصير
على باب انتظارك اكعد اشـــــلون
هامه وكاعــــــــده اباب السواطير
علي مر ابقفص ارضه اني عصفور
اصيراً لن شــــــفت هاي المعايير
عصفور ابقفص صــــــدكني يرتاح
ولا خارج قفص ما يكـــــــدر ايطير
تعال اشكد صحتلك مـــــا اندليت
تعال ابكل لغه وكل التـــــــــعابير
تعال ورد عليه المـــــــاخذه وياك
تره السبـــوره يحييهه الطبـاشير
عماد الساعدي
رد مع اقتباس
المشاركة الأصلية كتبت بواسطة فقار الكرخي
