حياك الله ..المشاركة الأصلية كتبت بواسطة فقار الكرخي
خوش موضوع عاشت ايدك
هسه خلي نجي على الاسباب
وبعدين نعرف النتيجة ضياع او نهاية اوجاع او تصحيح اخطاء .
نجي عالبنية
لازمة الموبايل 24 ساعة
بحيث حتى من نايمة تحرك بأصابيعها متدري بنفسها .
بعد ما جانت تهتم بنفسها
بس حصلت عريس تلكيها حتى وجهة متغسلة .
هاملة نفسها . ريحتها تذبح . ادور طلعات ومشاكل ويه عيالها .
هاي كالت وهذيج حجت
اريد اطلعني بيت وحدي وهو كاتله الفكر
عمي احمدي ربج وخلينه عايشين
بس شيقنعها شعيلة .
دائما تلكاها مملة
كوة تحجي ونفس الروتين
ادري انتي من تشوفين هاي المسلسلات
او التشوفي بالنت متغارين ؟
ليش متفكرين تصيرين مثلهن ليش تخلين الرجال عايش عبالك متزوج ولد مو مرة .
هذا من يشوف غيرج مهتمة بنفسها
اكيد تطلعين من نفسة ويكوم يفكر يتزوج وحدة ثانية
وبما انه حالته متساعد يعيش نسوان 2 راح يفكر يطلك الاولى .
وبعد هواي امور لو ابقى اعد بيهن للصبح متخلص سوالفهن
هسة نجي عالرجال
انت من تشوف نفسك فكر ابن فكر
شكو تتزوج وتكسر بنت العالم
هي من تشوف باقي النسوان يلبسن ومتروسات ذهب وعيشة مترفة
طبعا تضوج وتجي الف فكرة براسها
وتكوم تخلق مشاكل من جوة الكاع .
يا اخي احنه العراقيين واحدنة روحه بخشمة
وانتو عائلة بيها 4 ولد وكلهم متزوجين وكل واحد ماخذلة غرفة
ويومية كابة المشاكل يعني الى متى
راح تنزلك فلوس من السماء مثلا وتشتري بيت ؟
لو شلون راح تبقون مدى الحياة هيج .
زين اذا تريد تأجر الى متى
انت ليش مو من البداية مكون نفسك يالا متزوج مو احسنلك .
اكثر الرجال
يعكس مصاعب وتعب عملة على البيت
يعني اذا انغث او تعب
يجي يطلع حركتة بزوجته من اقل شغلة
مثلا يجي يلكة الخاتون لا محضرة الاكل
ملابسة صارلهن اسبوع مشمورات بالغسالة
وتتلكاه تعال جيب حليب تعال جيب زيت جيب معجون جيب غاز جيب وجيب
وهو جاي يريد يرتاح بعد نهار متعب
وتشتغل رحمة الله
انتي ليش ماكتيلة من البارحه
ليش من يجي ميلكة اكل تكليله معجون مثلا ماعدنه المن ادز
تقبل اني اطلع
ليش وية وقت جيته يريد يرتاح اطلعيلة هيج سوالف .
الرجال فاتح الموبايل وخربان ضحك
ومتفاعل
ومن يحجي وية زوجته يكلب خلقته
يا اخي ليش .
هم تريد تسمع منك كلمة حلوة ابتسامه
ولهذا احب اقدم نصيحة للطرفين
اذا ماعندك بيت بأسمك
وشغل ثابت او راتب لاتتزوج
وتعيش بنت العالم بالضيم .
وانتي هم
اذا تشوفي فكر وماعندة لابيت بأسمه
ولا راتب
او لا شغل ثابت لاتتزوجين
ابقي ابيت اهلج احسنلج
تحملي شوية شتسوين
احسن ما تجيبيلج 3 اطفال وترجعين
عله على اهلج
ولحد يجذب عليج اذا جائكم من ترضون دينه وخلقه فزوجوه
دينه وخلقه زينات
وامة شلون خواته شلون
الفكر الراح يعيشج بي شلون
والسلام
نورت ..
رد مع اقتباس
