عدل ظليت.. بس احچاية التنگال
أغنية....
تحاسبني..عليمن؟ .. هو انه شعندي...!!
غير ايامك الحاچيهه وي خدي...
زين ولسه تقراني الشموس اخيال....
عدل ظليت.. بس احچاية التنگال.....!
انه شبيدي اعله روحي الماخذتهه احبال..؟
اصبر اعيوني اگلهن...دمعه وتعدي.....
تحلف چذب بشموعي.. وتحاسبني عله النجمه...؟
هضيمه احصدلك ادموعي... گلبك مو وجه نعمه....
شگد گالولي عوف الگاع...
غريب شما تعب مايك....!
بس ازعل اتعرف الناس...
ياهو بلا كحل جايك؟؟!!!
تاليهه ذبت مثل الگمر وحدي....
اغنيلك من ضلوعي..وتبچيلي طرف كحله...
هو المات بچفوفك..تجي يا حنه وتبدله...؟؟
شديتك عله جروحي..
واگللهم دواي انته..
واگللهم نهار يصير...
ليلي بشمع سالفته...
وانه ادري النهر ما غيره المردي....
عمار_التميمي
رد مع اقتباس
