قصيدة : عطشان وقضيت سنيني
للشاعر : سيد سعيد الصافي الرميثي
مولد الحجة (عج)
ليلة 15 شعبان 1430 هـ
حسينية القصاب - البحرين
طور : ولدت فاطمة
عطشان و كضيت إسنيني .. مشتاگ أتنطر
بس مايكَ هوه اليرويني .. يا نبع الكوثر
*********
بغيابك خلصت أيامي
غرقان بدنية أحلامي
تظهر وأشكي لك آلامي
تبرد جمرة قلبي الظامي
مجروح وإنته اتداويني .. يا يوم التظهر
بس مايكَ هوه اليرويني .. يا نبع الكوثر
**********
يومك من يطل ابصبحه
كل مجروح يضمد جرحه
ننتظرك واقعنه اتصلحه
ذيج الساعه ايتم الفرحه
نورك يمته ايكحل عيني .. و بشوفك أستر
بس مايكَ هوه اليرويني .. يا نبع الكوثر
*********
هذا العالم كله بأسره
مشتاق ويومك ينتظره
يالوجهك يتلاله ابدره
ثغره هنياله الشم عطره
خليني أشتمك خليني .. يا عطر العنبر
بس مايكَ هوه اليرويني .. يا نبع الكوثر
*********
يا فصل الدين و تشريعه
دستورك كل احنه انطيعه
محتفله وفرحانه الشيعه
و اتجدد وياك البيعه
بإسمك كل شيعي ايحييني .. من هذا المنبر
بس مايكَ هوه اليرويني .. يا نبع الكوثر
*********
منشد وأتغنه بإنشادك
متطوع خادم لجدادك
يالشاعت بالعترة أمجادك
مسروره ابفرحة ميلادك
والشوق الجيتك يحديني .. كلما أتذكر
بس مايكَ هوه اليرويني .. يا نبع الكوثر
**********
شوصفلك هالليله إحساسي
و ابحفلة عشاگي و ناسي
خادم والآخر أنفاسي
حب أجدادك رفعت راسي
و المنبر هوه امربيني .. واشلون أتكبر
بس مايكَ هوه اليرويني .. يا نبع الكوثر
مما تصفحت
رد مع اقتباس
