هلي
هلي بس بالصلاه لله يدنكون
ومثل طبع النخل واكف يموتون
هلي ناعور والناعور دوار
كفاك شرورهم لمن يدورون
هلي مثل الرحى من تحجي الحلوك
تعال وضوكهم لمن يطحنون
هلي صينية تقطر من الاخلاق
اذا مر جارهم خاطر يغارون
هلي مثل التفك لو صار الزماط
بخيت الشافهم مرة يزمطون
هلي كحل المراجل وكت الاطياب
ولاكن اصبع بعين اليعيلون
هلي غيمة كرم ما مرة تنباع
الا وبللت ريج اليطلبون
هلي ديوان والديوان مفروش
كرامة وطيب للناس اليشرفون
هلي مثل الشموس التضوي الكون
من تصير ضلمه لليضوون
هلي فنجان عزة او رافع الراس
جميع ادلالكم لاهلي يدنكون
هلي چلمة مضيف تهزهز الزيج
مو چلمة تمر عالمايسمعون
هلي جمعوا تعبهم لاجل الضيوف
وحطوه بجدرهم من يطبخون
هلي معجان عفة بساعة العوز
كصو من لحمهم لليجوعون
هلي عكاز شايب مامش عيال
يتسند عليهم لليشمتون
صبر فلاح اهلي بتالي الگيظ
نثر كل امنياته بدرب الامزون
خلك صياد اهلي بحصرة الماي
ذب الشبجة بعناد اليصيدون
طبع بستان اهلي او توه تموز
مد اضلاله بدروب اليتيهون
هلي لبسوا حزن من دور الكماط
او من صدر الارامل رضعوا اشجون
هلي شاجور غيره معبي اخلاق
ولاكن چلمة تذبح من يثورون
هلي محراب غيره بشح الارجال
جميع اهل الشرف عدهم يصلون
م: بتصرف
رد مع اقتباس
المشاركة الأصلية كتبت بواسطة قاص الاثر
