انه بلياك محبس بيه نقص شذرة ، شعر حزين جدا
لسان حال زوجة احد الشهداء تكلم زوجها بالقرب من قبره تقول
شبعد واتخيلك يمي
يواهس عيشتي الگشرة
تره أشتاگيت اشمك شمة التنور
من تشتاگله الفقرة
يحلم صباي يمته الگاك
انه بلياك محبس بيه نقص شذرة
يهز مهدي اذا ناداني يم فلان
تشم خيالها بكل مغرب المهرة
قبل ليروح چان اباله كلشي يگول
گتله احچيلي كلشي وگالي بعبره
مخليلچ اسنيني بگفه سنينچ خاف
ماتلگيني ذني فديوة للعشره
وبعدها وماشفت شمس الله بس الليل
خيم بيه حزني وعيشتي المره
يالمخليني افكر حتى بالعاگول
شلون يعيش وحده وحاره الصحزه
عشت بعدك ويه اهلك عيشة الايتام
اگوم بحسرة واگعدلي بألف حسره
تمنيت العمر وياك يگضي ابيت
متمنيت اشوف ارسومك بحفره
هيچ الله ويجيبك ردت اشوف النور
منهد مارحت واني مفارگه الگمرة
تره بعازة اوليفه الجبلوه للموت
مثل ماهسه اني بعازة النظره
عمت عيني بكثر ماصورتك بالعين
يالفرگاك يشبه ليلة العشرة
التحب محبوبها تتقيد بفرگاه
تگضي اسنينها وما تنحسب حره
قبل متروح هم وصيت بيه انسان
هم گلت لجهالك باچر شنقره ؟!
اشتاگولك وحگ كلمة المحتاجين
عفت بيهم حلم بس منگطع نحره
شخليت ومشيت شگلت لله بهاي
هيچ اوداع لازم ينحسب عِبره
اطفالك والدلال شلون كلشي يهون
الحزن والعوز سوه وجوهم صفره
( هم فكرت بيه شلون اگضّي الليل ؟)
عميه بحظنها اوليد بس موش ابنها
لا تگدر تمشيه ولا يمشي عنها
كريم_البغدادي
رد مع اقتباس
