مرات اگول الحجي من كثر هذا التعب رايدله دفانه
جيب اليعرف الورد
لو ذبلت اغصانه
وجيب اليعرف الدمع
لو ذَبّل اجفانه
هذا المكثر العطش
مرات اگول الحجي
من كثر هذا التعب
رايدله دفانه
ومرات اگول الجرح
لو شفت وجها گلت
جذاب نيشانه
خنگه يرب الصبر
ياهو التحبه صدگ
تتبدل الوانه
وياهو الترسمه حلم
يترس عيونك دمع
ويغني نيشانه
المن تحب ياگلب
ياهو يعرف دگتك
ياهو التمنانه
ياهو اليريدك عمر
شو سافرينه شكثر
وردينه مثل الفشل
محد تلگانه
وگالولي حبك گلت
هو التحبه السفن
لو طول بصفنته
مايشم گيعانه
وانا ع بال النهر
حاسب حسابه مطر
من تنطفي الحانه
وغنيت وتحزمت
ولميت كل الحزن
حتى ابجي گدامه
وتعطل وما اجه
وخذلان طگ بالگلب
ومن عدها گمت اني احس
بالوسعة صغرانة
ولك مشتاگلك ياگبر
يل بالحزن تدري
نهرانه تيبست
بس دمعتي التجري
مالي وي ضحك البطر
مغشوش دمع الضحك
يل ماتعرف الصبر
لاتحجي عن صبري....
ازهر كريم
رد مع اقتباس
