حلم الطيبة خلص والمهم فزيت
وعفت عنوانهم ركزت بالمضمون
بعيوني مشاهد ناس جاي اتطيح
وناس امچلبه برموشي وتدور عون
وذاك اصويحبي شابگ سواد العين
وناس أتچلب بناس وسوة يطيحون
مشاهد مؤلمة وما يحن يگلب الناس
وتحس واگف گلبهم عقل عد مجنون
مجاذيف البديهم لو خناجر هاي
اذا ما يطعنوني خطوة ما يمشون
وعلى ياصفحة أنام وما أفز ملچوم
أحسن نفسي زار بكل كتر مطعون
أعظم مشكلة أتضحي ومتعرف ليش
للي عدهم ارموش العيون أسنون
المهم ياگلبي هسة من الحلم فزيت
وأريدك كون تاخذ درس من ماضيك
اچتفك ياگلب ع الضلع بالشريان
اذا ترجف عشگ گدام المأذيك
الياخذ غيبتي ياخذ معزته وياه
وجريمة أتگضي ليلك تذكر الناسيك
وانه مو علگ حتى أنعگد ع الشباك
واليگلك أرجعلك گله ما اتانيك
الملح من ما يغزر ع الشعر يندار
تره الشيبه جرح وآلام مو بس لون
ومن سديت بابك ياگلب ع الناس
جرحوك وبدوا من جرحك يطلعون
حسين الغريباوي
رد مع اقتباس
المشاركة الأصلية كتبت بواسطة بٰـہٰٖغٰـہٰٖدآديٰـہٰٖة
ــــوا