يا شارع عشگنه اشبعد عدنه اوراق
بس النار
تكبر تمشي مهزومه بحدايقنه
اتعشّه اشجار
بس النار
تكبر والكلب دشداشه اجتها النار
يرماد العمر يا طافي فوگ العين
گطّر عالضلع هذا الضلع منشار
نازل عالوريد ايحز نبض خدران
ويبسمر اميال الساعه يم احچاية التذكار
يا شارع عشگنه اشبعد عدنه اوراق
ما داست عليه النار
خلهه اشما كبر بيها الطمه والجوع
جيبلها رسايلنه ودواليب الهوى
و رد صيح :-
الما يحترگ ممنوع
انطي اشما تريد النار
حتى الحبر حتى الليل
حتى امخدة الخطار
انطي شما تريد النار
حتى المكتبه وربع العرگ
والساعه والدولاب
بس احفظ حبيبي ودفتر الاشعار
كاظم اسماعيل الگاطع
رد مع اقتباس
ــــوا
ــوـو