هنا

[ناصر اسماعيل الموزاني]

بقلمي-تعده الحد...تعده الحد

تعده الحد
تعده الحد
غصني ذبلن اورده
أنسل بغيبتك عوده
ونطرتك
عود ردت أصبر
تعداني الصبر وأبعد
ماترجع
ولا تجزع
ولاتسمع
يخايب ما كفاك الصد
أنه مل أنتظاري
وشگوي أتمرد
أنه صبري صحاري
والصده يرتد
لامزنه وأنه عطشان
ولا طفيتلي النيران
ولاشفتك علي صاحت
ولا ورده بغصن فاحت
ذبل غصني
ونطرت أسنين ما ورد
صرت خشبه بحلگ موجه
مابيه بعد فوجه
لعب بيه بحر هجرك
كل ساعه بجزر وبمد
تعده الحد..تعده الحد
......
أنه أنباگت ضحكتي
وكلبي أتفرهد
بس أنته وخسرتك
مابقالي أحد
وحشه شما ذكرتك
روحي تتنهد
ولا فادت شمعتي
بليلك الاسود
ولانفعت دمعتي
الاثرت بالخد
لاجابتك ....دمعاتي
ولا عاشرت نجماتي
شما أفتح وصل
ينسد...
شما أحلن حبل
ينشد..
عثر صبري وگع
وبهجرك أتمدد
طوفان بغيابك
ما يگضه السد
شما أردعه
شما أدفعه
علي يشتد
لاني وياك فد مركب
نسافر بالهوى ونصعد
ولا غرگان ومخلص
ولا أيدك علي تمتد
ولاني بجرفك أدمد
تعده الحد
تعده الحد
.....
كلمات
ناصر اسماعيل الموزاني

[كبريائي قاهرهم]

روعــــــــــــ عاشت الايادي ــــــــة
لا حرمنا جديدك الشيق
ودي وعبير وردي