درر العراق

علي الازيرجاوي · 24/December/2012

يالوجهك درس ما ينحفظ للموت ..

و عيونك مسائل ياهو اليحلهن ..

حلف بالله العميد و كال للطلاب ..
اليحفظ سطر منك ينجح بكلهن ..

و بديت احفظ بأسمك من نزل الاعلان ..
و مواد الثاني كلهن راح احملهن ..

صح سطرك صعب و اصعب من التشريح ..
بس انت بدلالك ليه سهلهن ..

حرت شحفظ رموشه لو سحر العيون ..
و كضيت اسبوع احاول بس الخصهن ..

خلصت الدفاتر جفت الاقلام ..
و بعدني حروف اسمك ما مكملهن ..

يتوسل كليبي .. يكولي 10 ايام ..
و اني ابجي على نومه و انت ساهرهن ..

و تعاتب عيني قلبي .. تكوله انام شلون ..
ولك لمن اشوفه جفوني اشلعهن ..

و اذا خده كمر .. و يشع برائه و نور ..
و اظن حتى البنات بحسنه دوخهن ..

ماعوفه ابد خليني اسولف بيه ..
بلكي حروفه تسهل و اكدر احفظهن ..

بلكي السطر يسهل و اختم الموضوع ..
و اعوض ايام عمري الجنت اضيعهن ..

بلكي احفظ عيونه و ضحكته و ممشاه ..
و اروح على العميد و بدمي اكتبهن ..

كافي اسحب يعقلي مو تعبت هواي ..
لك هو سطر .. لك لا تصعبهن ..

و يجاوبني العقل و يكولي بسك عاد ..
لا ترجع تحاول بيه تخزنهن ..

وك اني صفنت من شفته .. من سنين ..
و اظن حتى الاعصاب ال 12 خدرهن ..