من صفنه ..رموشك
من صفنه ..رموشك
چنت بعالمك صورة امل ..مرسوم
وچانت روحي تطرب من..تغازلها
تنهرني امن اگلها الصبر بيه مفتاح
وتـگلي گظيت وچــــا بعد.....شلها
اعذارك اسهام منـگـعات اسموم
وچلماتك عسل چانت اشبدلها
من صفنة ارموشك گمت اعرف شبيك
ومن بسمة اشفاك احزانك........ اندلها
من خطة احروفك اقره منها احروف
وگبل لا تكتب الغازك گمت.. احللها
لاتفضح اجروحي بحجة الدكتور
مانه العارفك حالتك....... بطلها
ما صدگ تشل اجروح يو خياط
خلي اجروحي هـچي ولا تدملها
بطلت العتب ما عاتبك ..للدوم
سالفتي عويصه اوياك شيفلها
ازرعلك نخل تنطيني بس الشيص
اغرسلك اوروود اتـگوم.... تكتلها
سـچينة خواصر ما ضـگت تفاح
سچاچينك ابكلبي ودومك اتسلها
يالطبعك غدر چا يمته امن بيك
واطباعك چذب تـگدر... تعدلها
متندم ايامي الخلصتها......اوياك
وانه الحالف الروح اتعيش ما ذلها
بس ذليت منك جرعتني اسموم
صرت جناز روحي وانته چاتلها
ما فكرت يوم اتـگول خل اوفيك
ولا چلمة اودك يوم تندلها
كل هذا وتـگول اشصارلك وشبيك
روح وذمتك للدوم......... شاكلها
رد مع اقتباس
