هنا

[علي الازيرجاوي]

تعبني بغرامك حيل.. ما اتعب

يالحته بصدودك ياترف تنحب

زيد بنار كلبي وما عليك اعتاب
شوكي يزيد بيه شما تصير اصعب

أنه وشعري صفينه ابحضرتك نسّاكـ
والعب بالقصايد كيف ما تلعب

شعري لغير شخصك ياترف ناكوط
وبكاسك يالاسمر صار ينصب صب

من نظرة هويتك واكبرت بحشاي
والشجرة العظيمة اتخضر من الحب

يابحر الحزن غركني موج الشوك
والغركان بخيوط الضوء يجلب

عذبني اعلى كيفك.. وابعد شما بيك
كلما زاد بُعدك.. حُبي سن ينظبّ

واكتبلك عهد ما اريد غيرك صاح
واحلف بالامام النال من مرحب

حبيتك صدك.. صبيت ماي الروح
بجفوفك يالاسمر من ردت تشرب

بس كونك تمر وتشوف حالي شلون
وتشوف الدليل شلون يتعذب.!!!

[كبريائي قاهرهم]

الله الله
روعة الاختيار تميزك يا ازيرجاوي
مننرحم عطر موضوعك القادم
ودي وعبير وردي

[علي الازيرجاوي]

حبيب كلبي نبض كلبي
ضلع من ضلوعي يا راقي
تسلملي يا عطر الورد