هنا

[ام اولادي]

السلام عليكم ابني كلما يريد يسجل لنفسه فيديو لنفسه يكول شلونكم شباب شخباركم اليوم عدنا فيديو جديد واني اليوم عندي موضوع جديد ياشباب شوفونا همتكم سوو حملات تبرع اكو ناس متكدر تصرف على عائلتها ولاتكدر تشتري دوا الها او لاطفالها خاصه اللي عدهم امراض مزمنه اللي يريد يرفع عن نفسه البلاء والظلم يبادر ويسوي شي ولا احد يكول خايف من الفايروس شوفو الكوادر الطبيه تتعامل مع المرضى مباشره لان هذا واجبهم رمضان عالابواب وربي يتقبل منا ومنكم اكو ناس تتصدق ومتعلن اكول لا حاليا لازم نعلن ونخليها علنيه خلي احنا نحاول نسوي للناس المحتاجة المرضىى ونخلي اللي مفكر بيهم ينجبر ويفكر لما يشوفها صارت حملات تبرع وربي يشهد اني مفكره بمعاناة الناس مو لغرض شخصي الحمد لله الله مدبرها لكن اذا نريد الله سبحانه وتعالى يلتفت علينا ويعفو عنا لازم نبادر بهكذا امور همتكم ورب العالمين ميضيع اجر ولايعاقب شخص عمل خير على عمله وربي يوفقكم دائما

[بـشــــار]

اختي العزيزة
المساعدات للفقراء متوقفت نهائيا
واذا تعرفين ناس محتاجين مساعدات ومواصلتهم مساعدات ياريت تذكرين اسم المنطقة بس
وحملة المساعدات الي يقومون بيها الشباب اليوم غاية في الجمال والانسانية
عكس حملات الغير "هاك أخذ واقره الفاتحة على روح ابوية " جهلة وسخيفين
الموضوع مكانه بقسم العراق اولا

[Suzana]

بارك الله بيج اختنا الكريمة وربي يحفظ ابنج ..ان شاءالله مستمرة حملات المساعدات الانسانية ..

اختي العزيزة
المساعدات للفقراء متوقفت نهائيا
واذا تعرفين ناس محتاجين مساعدات ومواصلتهم مساعدات ياريت تذكرين اسم المنطقة بس
وحملة المساعدات الي يقومون بيها الشباب اليوم غاية في الجمال والانسانية
عكس حملات الغير "هاك أخذ واقره الفاتحة على روح ابوية " جهلة وسخيفين
الموضوع مكانه بقسم العراق اولا

نعم بشار تم النقل

[basher4]

بورك فيكم.

[ام اولادي]

ممنونه على مروركم وتواصلكم وبالنسبه للاخ بشار مقدره كلامك ومحور كلامي واضح كثيره ناس تساعد ومامتهمه احد بالتقصر لكن اللي جاي يصير هسه هو ازمه ومحتاجه بعد يعني مثل ماتفضلتو انو الشباب مو مقصره لكن السلات الغذائيه متكفي وكلامك عن انو اذا تعرفين احد محتاج انطينا اسم المنطقه ميحتاج يا اخي لانو الحمله اللي اتكلم عنها متحتاج انطيك اسم وعنوان كل واحد صاحب محل او صيدليه يكدر يخلي صندوق امام الباب واكيد يعرفون بمنطقتهم اذا اكو ناس محتاجه لو لا وحتى انت بيتك اذا متعرف يمكن اهلك يعرفون جيرانك اصدقاءك اكو ناس ماعدها لكن عزة نفسها تمنعها ان تطلب اساعدها بهكذا طرق وكل واحد يتحرك من منطقته وهذا مقصد كلامي لاني لاحظت انو ابو الصيدليه مثلا مخلي عالباب نايلون وقنينه معقم لان يخاف من العدوى مابيها شي لو فكر بالفقير وخلى بجوارها صندوق للتبرعات ويساعد كم عائله بمنطقته الى ان تحل الازمه اللي اتكلم عنهم هم ناس محتاجين اكثر من الاكل تعرف انو مريض القلب والسكر والضغط واللي زارع كله لازم ميترك الدوا يوم واحد يعني يمكن الفايروس ميوصله لكن حالته راح تتدهور وتتازم هذا محور الموضوع حتى اني اليوم تكلمت مع مدرسه كانت دائما تطلب تبرعات لترميم المدرسه فقلت لهم ليش للمدرسه تطلبون تبرعات من الناس واحباري لازم يدفعون وبهذي الازمه محد فكر ان يطلب تبرعات للفقراء والمحتاجين كل انسان لازم يعمل من مكانه وقدر المستطاع اعذروني هذا قلمي وفكري ومبداي وعجزي عن اني اتحرك واحث الناس على مساعده الغير دفعني انه من خلال منتداكم يمكن نساعد ناس ويحتسب لنا اجر عند رب العالمين....

[عدنان الواثق]

الله المستعان

[ام اولادي]

ونعم بالله ممنونه اخي على مرورك كلمة بسيطه لكنها تغني ..صبر جميل وبالله المستعان قالها النبي يعقوب الما على فراق يوسف عليهما السلام فرده الله اليه ورد بصره ايضا الحمد لله ربي يوفق الجميع

[حلم عمري]

الجوع ملك ضالم لا يرحم ففي وضعنا هذا أصحاب القوت اليومي وذوي الدخل المحدود والفقراء سيكونون بحاجه الى وقفة من ميسوري الحال

[حلم عمري]

الجوع ملك ضالم لا يرحم ففي وضعنا هذا أصحاب القوت اليومي وذوي الدخل المحدود والفقراء سيكونون بحاجه الى وقفة من ميسوري الحال ففي م ح اليه النجف خرجت بعض العوائل وكانت نساء وأطفال الى الشارع يقولون نحن اذا بقينا بالمنزل سنموت من الجوع واذا خرجنا سنموت بالمرض لا أنكر أن هناك الكثير من الحملات الخيريه لكن يجب من الحكومه ايضا توفير الإعانات لهم

[ام اولادي]

ان شاء الله لكن يا اخي قصدي من حملات التبرع انو في ناس ممكن تكون بازمه حقيقيه يعني ابسط شي في ناس ماعدها تشتري دواء وهي محتاجته ضروري فكلت نحفز اصحاب المحلات التجاريه الصيدليات لان هم هسه فقط اللي مسموحلهم يطلعون ويفتحون وحتىى المساجد وغيرها انو يكون هناك صندوق للتبرعات وماكو منطقه مابيها صيدليه او محل تجاري او مسجد وبهيج نكون ساعدنا اكبر عدد ونتمنى انو الحكومه تستعجل وتسوي شي لان مو بس المرض ممكن يفتك بالناس الجوع والمرض والحاله النفسيه ممكن تكون اشد واصعب وربي يعفو عنا بارك الله فيك على مرورك ومداخلتك...