ابراج اليوم الاحد 05 ابريل 2020 ماغي فرح
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر ببرج العذراء ترابي كوكبه عطارد ..
توقعات برج الحمل اليوم الاحد 05 ابريل 2020 ماغي فرح
الحمل ♈
مهنياً:يوم في شغل ومسؤوليات واهتمامات صحية ..
رغم ركود بشغلك الا انو في شي اليوم بغير شوي من الوضع او بدك تعمل شي يمهد لشيء مهم في قادم الايام بس بدي منك تبذل جهد مضاعف لترتب امورك منيح وتخلص الاعمال الضرورية حتى امورك المالية لازم تعيد حساباتك فيها ودائما تاخد احتياطاتك ونشالله فرصة مهمة قريبة بشغلك .. نتبهلي على الامور العائلية واهم شي تنظيم وتظبط وضعك وتريح حالك من تعب هالفترة بحاجة لترتيب وتنظيم ورح ترتاح نشالله وتنقل قصير كمان ..
عاطفياً:هدي بوضعك بهاليوم وبدك تنتبه من معاملتك لان قدام مهمة ليست سهلة وبلاخص اذا كان الشريك ماعم يستوعبك وماعم يكون متل مابدك .. حاول لا تكبر الموضوع وتمرق هاليوم على خير ورغم كلشي لازم تروق وتخفف من عصبيتك اذا بدك نصيحتي لتوصل لشي الي براسك ..
صحياً:مابدي ياك ترد ع لقيل والقال باي شي بخص صحة ولازم ننتبه ع صحتنا اليوم لان في وعكة صحية والبعض بيشفى من مرض تعبو ..
غنيتك اليوم:غاب الغالي...ملحم زين
توقعات برج الثور اليوم الاحد 05 ابريل 2020 ماغي فرح
الثور ♉
مهنياً:امورك افضل تحسن بالوضع عندك ومال ويوم للاطفال ولانجاب .. ضغوط عليك كبيرة وماكنت مرتاح بس اليوم بتكون مدعوم من الفلك وبيتحسن وضعك تدريجي بتتخلص من بعض المشاكل وعم تنجح باعمال متنوعة ومتعددة المهام وعم تلاقي انفراج نوعي بوضعك او اذا كنت ناوي ع شغل جديد وبتلاقي تحسن بقصص عائلية بتقضي وقت حلو مع الاولاد واتصالات مهمة حاول اي صعوبة بهاليوم تتجاوزها وتبلش من جديد لا تخاف ..
عاطفياً:اجواء حلوة ومبشرة وتتطورات ايجابية مع شريك حياتك و فرصة حلوة لحتى يكون في ارتباط.. حاول تهتم بشريك بهاليوم اكتر من اي شي تاني .. واذا ناطر عودة شريك قديم ممكن في فرصة ليصير هاشي او لتحسن الوضع بعلاقتك وصلحة وعم تهدي الوضع لانك مو حابب تكبر القصص وبلاخص المتزوج يوم داعم لمصالحات وارتباط وحلو وشغف ..
صحياً:فكر تعمل شي جديد بيومك وتطلع من روتينك ولا تترك الرياضة وحاول على الاقل ساعة ضمن المنزل ..
غنيتك اليوم:كبد بد...ملحم زين
توقعات برج الجوزاء اليوم الاحد 05 ابريل 2020 ماغي فرح
الجوزاء ♊
مهنياً: هاليوم بدو صبر شوي وتكون واعي لا تشرد بخيالك كتير ولتفت للواقع حتى مابدي منك تفكر تفكير العاجز باي امر مستجد بهاليوم .. ممكن مشكلة بتستدعي الحل السريع وأسعافي ببيتك بلاخص مع عيلتك او اذا عم يكون في حكي بتغيير مكانك .. راجع حساباتك بهدوء ولا تخلي اي تفصيل مهما كان صغير يغيب عن بالك ونتبهلي من الحوادث ومن الكسر واعطال وبتشغلك وضع حدا بعيلتك ..
عاطفياً:لا دخل الامور العاطفية بأمور أخرى من حقك يكون عندك قلق من تصرفات الشريك بس لازم تلاقي حلول أنسب او توضح خياراتك اذا كنت ناوي تستمر علاقتك وتحافظ عليها بشكل صحيح وكتير لازم تخفف انفعال وعصبية ولا تكبر المواضيع وهدي حالك .. الاعزب امورك افضل وممكن شي جديد هالفترة واتصالات وتواصل ..
صحياً:لا ترد على حكي حدا ودائما خلي مرجعك الاساسي طبيب او اختصاصي روق وهدي لنتجاوز هالوضع صعب وحلول قريبة ..
غنيتك اليوم:الجرح الي بعدو...ملحم زين
توقعات برج السرطان اليوم الاحد 05 ابريل 2020 ماغي فرح
السرطان ♋
مهنياً: طاقة ايجابية وبكون تفكيرك سليم وبتشارك بنشاطات وفعالية ممكن على ارض الواقع او على مواقع تواصل بتحقق نجاح بمجالك عم تتجاوب بسهولة مع الظروف والمتطلبات وممكن اتصالات بعيدة وحركة واخبار منيحة ودعم الك واذا بدك مساعدة فيك تطلب بهاليوم بالمجمل يوم في شغل في حركة وفي مردود مالي صح غير كافي لكن ماشي حالو وعندك شراء لشي بهاليوم وتنقل بسيط بس السفر الي ناطر بعدو معرقل هالفترة ..
عاطفياً:يوم منيح لتتحسن امورك العاطفية وفرصة لتكون مع شريك وتكون امورك نوعاً ما افضل من قبل حتى عم تفكر صح وعم تعبر عن عاطفتك بكل صراحة حضورك مميز وجذاب وهاشي رح يخلي الشريك يتعلق فيك اكتر لهيك مابدي منك تخاف ع وضعك وخليك واثق بحالك .. وممكن صدفة حلوة تجمعك بشريك او صديق قديم وتتحسن امورك معو ..
صحياً:امور كتيرة عم تسبب مشاكل صحية لا تخلي امورك الاخرى سبب لذلك ..
غنيتك اليوم:تركوني لحالي...ملحم زين
توقعات برج الاسد اليوم الاحد 05 ابريل 2020 ماغي فرح
الأسد ♌
مهنياً:قصص مالية بتشغلك بين قبض ودفع .. عم تكون بحاجة لدعم مابعرف اذا عم تفكر تشتري شي وبحاجة للمال وبلاخص انت عم تصرف كتير هالفترة وماعم ضب ايدك بشكل المطلوب .. رتب امورك وعيد حساباتك لان ممكن يجيك مال كمان .. وحاول تلاقي مورد تاني اوبشغلك الحالي بتوقع في فرصة قريبة حاول تستغلها منيح لتحسن وضعك المهني ونتبهلي على قصة بالعيلة شوي بتشغلك ..
عاطفياً:جذاب بيومك وامورك افضل لتحسن وضعك العاطفي وتتخذ قرار وبدا شغلة مبادرة بهاليوم والمعاملة مع الله مافي شي مستاهل لا تفكر بشي ولا تلتفت لورا واذا كنت غير مرتبط فرصة لتلاقي شريك او اعجاب مبدئي بهاليوم وتطور علاقاتك وتطلع من العزلة والوحدة التي رافقتك لفترة طويلة ..
صحياً:اهمالك واستهتارك لصحتك رح يبقيك بوضع صحي غير جيد او نفسية متعبة اهتم بصحتك ولا تستهر بشي ..
غنيتك اليوم:حرقتيلي قلبي .. ملحم زين
توقعات برج العذراء اليوم الاحد 05 ابريل 2020 ماغي فرح
العذراء ♍
مهنياً:القمر ببرجك بيدعمك بالحظ وطاقة و انطلاقة جديد وحلول لمشاكل معقدة وبلاخص بعض العراقيل وضغوطات التي كانت موجودة و تحملت مسؤولياتك فيها وعم تكتشف ناس على حقيقتها .. يومك مميز طاقة ايجابية ونشاط وعم تقلب كلشي لصالحك وتلاقي حلول وتعزيز لوضعك بشكل عام وبلاخص الاجتماعي استغل هاليوم لتبدا شي جديد وعم تفكر بتنقل او مشوار صغير وعزيمة وشي مهم بخص حدا من الاخوة او ضمن بيتك ..
عاطفياً:من الايام الحلوة لتنطلق بشكل جديد وبجاذبية حلوة واطلالتك غير شكل والعيون عليك واعجاب عم تلاقي من لكل حتى عندك فرصة لترتبط او لتحسن علاقتك بشريك وثقة متبادلة .. وممكن عم تحاول تتصل بحدا قديم او تتحسن العلاقة معو وممكن صدفة حلوة تصير .. لا تخلي حدا يستغل حبك حط حد لكتير امور مو ناقصك وجع قلب ..
صحياً:لا تروح ولا لحظة حلوة من ايدك وفكر كيف تغير نفسيتك وبلاخص اذا عندك عزيمة ..
غنيتك اليوم:مابعرف ليش بحبك...ملحم زين
توقعات برج الميزان اليوم الاحد 05 ابريل 2020 ماغي فرح
الميزان ♎
مهنياً:سوء تفاهم مع شخص ومدايق من ادفاعك وعم تكون صريح زايدة عن لزوم .. عم تعاني ركود وبدك حتى تلاقي حل له الوضع بلاخص في ركود مهني مالي متعبك انت .. عم تعاني تأجيل وماعم تكون مرتاح للوضع حتى عم تعاني من خذلان ونيات المبيتة تجاهك كون حذر له شي وحاول تهدي ولا تقدم على اي شي مهم هدي انفعال وعصبية لانو في قصص عم تزعجك بهاليوم وقدامك فرصة وبعض تغيرات قريباً ..
عاطفياً:يوم مانك مرتاح في على هذا صعيد وقد تكون متأثراً بوضع مقلق ومتوتر حتى عم يكون في نوع من تراشق الاتهامات ونقاشات طويلة ويمكن ناس عم تأثر على علاقتك هاشي كلو ممكن يوصلك الصدامات مافي داعي الها وتكبر القصة .. نتبه وحسبها صح ولا تكون متقلب ومزاجي بالواقع او ببعض المعطيات بينصحك طنش ولا تخلي حدا يستفزك ..
صحياً:نتبهلي على صحتك ونشالله امورك رايحة نحو تحسن منيح المهم هالفترة ننتبه شوي ..
غنيتك اليوم:هيي الي ...ملحم زين
توقعات برج العقرب اليوم الاحد 05 ابريل 2020 ماغي فرح
العقرب ♏
مهنياً:يحمل لك انجاز قد تحققه هذا اليوم وتكون محط اعجاب الجميع وممكن خبر حلو وتتطورات بتخص شغل او العيلة .. حتى كمان بيشهد يومك لقاءات وعزيمة مع حدا بتحبو وبتزيد حالتك الاجتماعية وممكن عم تطلب مساعدة وأكيد في رفقات بحدك بساعدوك استغل هاليوم لتعمل تغييرات بنفسيتك وتتحرر شوي وممكن قصص مالية بين قبض ودفع ..
عاطفياً: كلشي منيح اليوم سواء تطور بعلاقتك مع الشريك او مع بعض رفقات المقربين منك وعم تعيش اجواء رومنسية وتفاهم نسبي وجاذبيتك وحضورك وسحرك عم تمارسو على الكل وممكن علاقات تتحول لحب واعجاب ممكن علاقات صداقة او بشغلك كمان استغل هاليوم لتكون منيح وجذاب والبعض بدي منك لا تخلي نقاشاتك تكتر لان ممكن قصة او نقار وشي يصير فجئة خليك حذر ولا تكبرا الامر .. علاقات سرية وحميمية وعم تغامر بوضعك اكتر من قبل ..
صحياً:امورك افضل صحياً وتحسن نتبه لنوعية طعامك وعليك بمتابعة الرياضة..
غنيتك اليوم:بدي حبك...ملحم زين
توقعات برج القوس اليوم الاحد 05 ابريل 2020 ماغي فرح
القوس ♐
مهنياً:فكر منيح وركز بيوم لازم تكون دبلوماسي يوم بيحكي عن حسم وقصص بتتعلق باشغل وبالوظيفة بتستدعي منك تركيز .. يوم بخص اوراق او اختبارات عم تمر فيها ركز لتعرف كيف تحضر وتكون جاهز لاي طارئ وتعرف تختار الانسب الك وانت معرض بهاليوم الي تغييرات او دخول بشيء جديد وممكن مشكلة مع زملاء او شخص مقرب روق لانك قادر تقلب كلشي لصالحك رغم تعب المهني وضغط الذي يمارس عليك ..
عاطفياً:كون على حذر من بعض المقربين الي عم تحاول تشوه صورتك وتسيء لسمعتك لا ترد على كلام ناس ولا تتوقف بعلاقتك مهما حصل من تحديات واستفزازات .. لا تستعجل بحسم امورك ولا تخلي تاثيرات البعض تخليك ضيع بقراراتك بتوقع انو الشريك بيستاهل تعطي فرصة طبعاً هاشي بيتوقف على نسبة الغلط واهميتو عندك .. الاعزب او المرتبط حديثاً امورك افضل وتتطورات واوقات حلوة..
صحياً:نتبهلي لبعض المشاكل الصحية وبلاخص بما يخص المعدة لهيك حاول تنتبه لنوعية طعامك وشو ممكن تاكل بهاليوم ..
غنيتك اليوم:عندك هواية...ملحم زين
توقعات برج الجدي اليوم الاحد 05 ابريل 2020 ماغي فرح
الجدي ♑
مهنياً:لفلك داعم الك لتطلع عن المألوف ولتتخلص من ضغوط ومشاكل وترتاح بعد ما صار في حكي كتير والها فترة هاضغوط مرافقتك في تغييرات ناطرتك وكانك ناطر شي وممكن اتصال مهم ومن بعيد ورح تتعرف على ناس جديدة او تقابل حدا رح تجهز الامور مستقبلية وتحسن وبتبدا شي جديد وعم يزيد تركيزك وعلاقاتك بتتحسن وامور مهمة وعم تنجز اعمالك بشكل منيح ومال او حوالة بتشغلك .. يوم حلو لتواصل واتصالات وتنقل والبعض ممكن يفكر بسفر هاليومين ورح يكون في تهاني ..
عاطفياً:رغم المعاملة الي عم تكون بيومك ومزاجيتك الا انك عم توجد الافكار ولاقتراحات وهاشي له تأثير ايجابي وبخلي الوضع يمشي نحو تحسن ملحوظ بعد فترة كتير عانيت منها وشريك ماكان عم يفهم عليك بتلاقي حلول أخيراً استغل يومك لتتقرب من شريك وتقضي وقت حلو معو طبعاً اذا بيستاهل والاعزب امورك افضل بأعجاب وتواصل مع شخص قديم بعد ركود وملل وضجر كان موجود ...
صحياً:احسن شي لصحتك اليوم تطلع برا البيت وتقضي وقت حلو بين زيارات وسهرات مع ناس بتحبن.
غنيتك اليوم:نامي ع الهدا ...ملحم زين
توقعات برج الدلو اليوم الاحد 05 ابريل 2020 ماغي فرح
الدلو ♒
مهنياً:امورك فيها تحسن تدريجي بعد ضغط ومسؤوليات وكتير تعب انت اليوم احسن وممكن خبر حلو والحظ بساعدك لتتخلص من بعض ضغوط ممكن اذا عندك شي اداري او ماشابه ذلك عم تنجح بمفاوضات وحسم عندك بهاليوم .. يوم عم يدو بأمور مالية او ممكن تقبض او تطلع بحل يرضيك بدي منك كمان ضب ايدك على مصاريفك على اشياء مو مهمة البعض في قصة دين بتشغلو او مطالبة وتسديد التزامات وفواتير بالمجمل يوم للمال وقصص مالية ..
عاطفياً:يوم حلو وايجابي بس نتبه تنزع كلشي وتتسرع بشي او بكلامك العشوائي لهيك بدي منك تهدي وتعبر عن مشاعرك وتلاقي حل له الوضع بعرف انو هاشي صعب عليك ومابتحب تقلل من قيمتك او تتنازل بس بحاجة لمبادرة انت اليوم لتحل اي توتر . استغل اي وقت او لقاء واتصال ليكون يومك حلو وتصالح ..
صحياً:كتير روتين متعبك وانت مافيك هيك ولا متعود هاشي عم ياثر على نفسيتك وطاقتك وعم تحس بخمول وتعب مع انك ماعم تشتغل شي بدي كمان تنتبه من تناول طعام وبلاخص باوقات متاخرة ..
غنيتك اليوم:وجع الروح...ملحم زين
توقعات برج الحوت اليوم الاحد 05 ابريل 2020 ماغي فرح
الحوت ♓
مهنياً:عم تزيد من قوتك وتركيزك بهيك يوم وبتحس حالك افضل وعم تنجح بأعمالك وبدي منك قوتك وطاقتك توظفهم بما يخدم مصالحك لا تتسرع باي شي اليوم وحسبها صح بينصحك تبتعد عن نقاشات طويلة والي مامنها نتيجة لان ممكن توصلك المواجهات او مشكلة اضبط اعصابك وكون هادي وطنش الكل وبلاخص مع شريك .. يوم ممكن البعض يتم شراكة او اتفاق ..
عاطفياً:يوم متقلب وامورك بدها شوية رواق لتحسن الوضع وتوصل للاستقرار بعلاقتك ومابدي ياك تخلي حدا يدخل بعلاقتك وبمشاريعك العاطفية لان بتوقع في حدا مابدو ياك تستمر بعلاقتك وفي حساسية بتصير بلاخص المتزوج لهيك نتبه .. والمرتبط عندو يوم حلو ومفاجئات وعم يكون في اتصالات واجواء حلوة او تفكير بارتباط وبلاخص من كان خالي من الحب ... المتزوج نتبه لعلاقتك والمرتبط والاعزب امورك افضل ..
صحياً:لازم تاخد بعين الاعتبار وضعك صحي وخلي عندك ارادة وتصميم بتجاوز اي وعكة صحية مررت بها... وخفف تناول طعام وبلاخص بوقت متاخر لتحافظ على رشاقة جسمك ..
غنيتك اليوم:عاود على قلبي...ملحم زين
رد مع اقتباس
