ترى البنت بشرفها مو حلو تعزب
انتهينا وحتى ما كاتب قصيدة عليچ
وانه مواعدچ اكتب
ياهو الگالچ بالكرم مامش عيب
ترى البنت بشرفها مو حلو تعزب
ماوگفت بعينچ على گشورچ ضال
وادري بغيري ياكل لب
على فلاحچ بخلتي هيچ المجازات
وانطيتي لعدوي وين المرطب
اضم حبچ بگلبي وانكشف مرات
ترى كثر الجگاير تكشف اللي يحب
واني لخاطرچ كاسر گلب نسوان
ولا نثيه على بالي گدرت تچلب
يگلولي تحب والشيب هذا منين
المشيب ابزغره ومايحب يچذب
أجي يمچ واضيع كل حچي مضموم
واصير من الخجل مغرب
انه أمي تعرف موش على حال وياچ
من تشوفني مغندب
چنت وياچ اكهكه لو نبي مكتول
ولا احس بالضحك مذنب
فارگتچ واسولف مبتشر مجبور
طير الينذبح يرگص ومتعذب
انه گبال الشماته ما اصير هلال
ادگ خشبة على ظهري حتى لا احدب
م
رد مع اقتباس
