السلام عليكم اول ماسجلت بالمنتدى كتبت موضوع وكانت كتابتي للموضوع هي من مكنون الواقع واكو ناس كثيره تعاني من هذا الامر لكن نيتي كانت ان اتكلم عن حاله من الحالات الموجوده حاليا وبنسب كبيره الناس خايفه من الفايروس لكن اكو امور اخرى ممكن تاذي الانسان مو اقلل ضرر من الفايروس وبعد منزل الموضوع قسم من الاعضاء عرضوا علي المساعده وهذا شئ يحسب لهم عند الله لان ان دل على شئ يدل على طيبتهم وحسن تربيتهم وهذا شي يفرح انو الخير موجود وربي يوفقكم ويجزيكم عني كل الخير ...كنت اتابع دائما درر العراق لكن ماسجلت في المنتدى الا مؤخرا وللعلم قبل سنوات كنت اسجل بمنتديات عربيه وكانو القائمين عالمنتدى يخلوني عالاشراف وخاصه قسم علم النفس لانو عند نفس طويل في الاخذ والرد والمتابعه لكني انقطعت وماسجلت باي منتدى منذ مده طويله بسبب ضروفي العائليه وحاليا سجلت في منتداكم للمتابعه والمشاركه وطرح المواضيع التي تمس الواقع لعل وعسى ان نغير شئ ..وكما قال الشاعر توكل على الرحمان في كل حاجة ولاتؤثرن العجز يوما عن الطلب..الم تر ان الله قال لمريم اليلك فهزي الجذع يساقط رطب..ولو شاء ان تجنيه من غير هزها جنته ولكن كل شئ له سبب......لذلك يجب علينا ات ناخذ بالاسباب في كل شي يعني لايحدث شئ الا لسبب وحكمه ومن هنا اقول بارك الله فيمن عرض علي المساعده واقول له ربي يوفقك يارب المساعده اللي اطلبها منكم اني سبق ان ذكرت اني ام لطفلين احدهما يعاني من اظطراب في السلوك لم يجد التطباء تفسيرا له سوا انهم قالو ان فيه من سمات التوحد ولما راجعت احسن الاطباء قال لي طبيب بارك الله فيه ان ابنك ممكن يتحسن ويرجع لحالته الطبيعيه لان تعرض لردة فعل اثرت علي مانفهم سببها اتعبي علي واصبري وان شاء الله يتحسن والحمد لله الفضل لله وحده احسن وابني الثاني يعاني من خلل وضيفي مزمن في الامعاء وزوجي مريض كنت دائما ادخل على موقع تعيينات درر العراق واتابع يجوز اكو شي ممكن اقدم من خلاله حتى نحصل على راتب او وضيفه في مدرسه لاني في غير المدرسه لا استطيع ان اعمل بسبب وضع اولادي لازم ابقى متابعتهم لان ابني التوحدي اي سلوك من شخص سواء معلمع او شخص اخر يتعامل بي وياه بطريقه خطا ممكن تضيع تعب سنين فكنت دائما قريله منه حتى يحس بالامان لانه مثل ماذكرت حالته كانت تختلف عن الحالات الاخرى بالفتره الاخيره وقبل تعطيل الدوام منعتني المديره اني ادخل المدرسه كتلها صارلي ثلاث سنوات اقف على باب المدرسه لاني ما اكدر اعوف ابني تتراجع حالته اسمحيلي ادخل حتى اكون قريبه منهم رفضت بعض الناس قالوا لي ان التربيه اعطت صلاحيات للمديره انها ترشح موضف عدها في المدرسه وذهبت وتكلمت معها وتوسلت بيها كتلها رشحيني اولا حتى اكون قريبه من اولادي وثانيا يجوز يرفعون اسمي للتعينات واتعين وصدكيني افيدج بالمدرسه لان عندي خبره بالتعامل مع الاولاد حتى انو احد الاطباء بعد مالاحظ تطور حالة ابني كال انو سويتي وياه شي مو قليل وبدا يسالني ويكتب تقرير عن شنو نطيتا ادويه وشلون تعاملت معاه وتغير بهالشكل كتلا الفضل لله وحده ساعدني لاني ماعندي احد يساعدني لكن رفضت وحتى انو بعض الناس راحو وتكلموا معاها ومع ذلك موافقت.. الامر لله صح انو اهلي كانو يدعموني ماديا لان هم في محافضه واني في محافضه فكانو يساعدوني بان ميخلوني احتاج واحير لما الضروف تتازم بالنسبه لي مع انو زوجي يعمل على قدر المستطاع مامقصر يعني بعد ماتكلمت وشرحت ولاحد يضوج من السرد المطول لان شي يوصل لشي اذا احد يريد يساعدني يوصلني لمدير تربية الكرخ الاستاذ فلاح القيسي او اللي يعرفه يعرض علي قضيتي او يعرف رقم تلفونه لانو صعب اوصلا واقابلاواذا اي شي يستجد بالنسبه للتسجيل على رواتب للعاطلين او الرعايه ياريت ينبهني لاني مرات انقطع عن المتابعه وربي يبارك فيكم جميعا
رد مع اقتباس
