درر العراق

ارجع يازمان · 24/December/2012

خاف تتورط ابدمي!!
حسين الساعدي
:::

فدوه لو رايد تهاِجر
فدوه لتعلكني بيك!

نبقه ما نتواصل احنه
لا تجيني إولا أجيك

وانه اعرف لو أحبك
وتبقه عيني الترتبيك

وخاف ما تكدر تعوفك
هايه عيني التشتهيك !

لا تخَبرني ابرحيلك
فدوه ما اريد اعتنيك

لا تظن ما اريد أودعك
وانه بعيوني اشتريك

بس الموادع يمَوت!!
والعتب يرجع عليك!

وخاف تتورط ابدمي
من أموت ابين اديك!
راح اموت ابين اديك

الساعدي
منقوول