هنا

[فقار الكرخي]

ابيض واسود ..
ابيض واسود ..
ب اوربا اللاجيء يتدلل ..
وهنانه ابن الديرة امهجول .
.كل يوم ابلا صوج امشرّد
ابيض واسود ..
بمريكه ايكلبون الدنيه لو فد واحد منهم مارد ..
واحنه هنا كل لحظة اجنازة .. واكثر من مليون استشهد ..
ابيض واسود ..
بالخارج فرحانه الوادم
واحنه الموطن كلّه احزان .. وهاي اسنين اتمر ماعيّد ..
ابيض واسود ..
جم اعصار الصار اوعدّه ..
وجم بركان الفض ابمدّه ..
شو بس يمنه الضيم امجلّب
لايرضه يروح او لايبرد ..
ابيض واسود ..
جم عبّارة وجم كرّاده
وجم سوك الضيّع ويلاده ..
وراحت الاف الماتنعد ..
ابيض واسود ..
وشحصّلنه ..
من يوم التغيير اليومك ..
بس موت وتهجير وضيم
وجوع وغربة اوّوطن امفرهد ..
ابيض واسود ..
والمسؤولين الماعدهم ذرّة غيره..
يابويه اشسوّوا بالديره
يابويه اشعملوا بالوادم
يابويه وربّك عالظالم
يمهل بس مايهمل احّد
ابيض واسود ..
باجر عدنه احساب اوياهم .. باكونه اومحّد حاجاهم ..
وين ايولّون اليادوله ..
حصّتنه اولازم نلكاهم ..
ويرجع وجه الموطن ابيض .. بحيل الله .. وينزع كل اسود .. ابيض .. لازم ميظل اسود .










ماجد كزار

[بٰـہٰٖغٰـہٰٖدآديٰـہٰٖة]

لجهودك باقات من الشكر والتقدير
على المواضيع الرائعه والجميلة

[كبريائي قاهرهم]

ان شاءالله يرجع ابيض و ناصع ايضا
شكرا لمجهودك
وفقك الله
ودي و تقديري

[انثى مخمليةة]

عاشت ايدك