المشاركة الأصلية كتبت بواسطة Ahmed Alkraawi
يا اخي خلي اصدك بكلامك
بس انت ماعندك دليل على هذا التحجي
هسه اني من اكول نهر دجلة نشف
بسبب تركيا
عندي دليل
تركيا صرحت بنفسها
العراق صرح
اكو تصوير فيديوات كومة
اني شفت بعيني دجلة شلون مايها منخفض
كدرت اقتنع
بس مال تكلي ايران وايران
وانت ماعندك دليل اي شلون تريدني اصدك .
يعني سالفة هذا السيد بجامع براثا
اكو صخرة
يكول هاي الصخرة ل مرأة
سبت مقام الامام علي
والله كلبها صخرة وسواها عبرة للناس
وتعال شوف العقول الضعيفة المصدكة
ولك ديربالك لايكلبك صخرة لاتحجي
كتلة سيد عندك دليل
كال اوووه اسكت
يعني لازم تصدكه بهيج خرافة
ومن ضليت اتبع الموضوع
تبين ان هاي الصخرة جانت فوك بير ماء
واجة الامام علي شالها وطلع من جواها الماء
ولو ما صدكت
بس اهون من سالفة السيد
وهاي امي
لا يمة صحيح
كتلها شلون عرفتي صحيح
كالت مو المرة النكلبت صخرة
جانت لابسة عباية سودة
وشوف الصخرة لونها اسود
ودير بالك لا يكلبك ودير بالك لا يسطرك
بوية كالب واحد
كالو اي
مو هاي الصخرة كدامك انت متصدك .
هسة ولا انت
لا جبت صخرة ولا صخلة
اي شلون اقتنع
مو تروح تجيبلك بلوكة وتجي
على قولة احلام ..يا اخي متخلص العقده وميطيبون حتى لو يموت مو يطلع من الحكم اويلي يا راعبهم
