مو كافي العمر رافع اشراع الخوف
هنيني بعد وانكت غبار الظيم
صار سنين محد هيچ هنّاني
هنيني بعد خل الجروح اتهيد
وخل تسكت بعد مسحاة دفّاني
دحط ساتر فرح وادحر جيوش الشيب
مو وصلت زحف لوجوه رضعاني
مو كافي الثّكاله اتهلهل النه ادموع
وتتفرّج عليها اعيون جيراني
مو كافي العمر رافع اشراع الخوف
مبحر للمنايه و موتي سفّاني
مو كافي المنو اندگت وشم عالباب
اريد اصرخ هلا ابدكات بيباني
سمير صبيح
رد مع اقتباس
