شروط - نداء شرارة
لو مصمم اني ارجع
وافتح بقلبي مجال
ابشر بعزك اوافق
لو تلبى هالشروط
رجع سنيني اللي راحت
رجع الدمع اللي سال
اكتب اسف فوق نجمة
واغزل العذر بخيوط
لم صوتي من دروبك
يوم ناديتك تعالى
اجمع اهاتي اللي دارت
حول كونك الف شوط
خلي كل وادي مشيته
يرتقي فوق الجبال
ازرع الشط بايدينك
واجعل الصحراء شطوط
اقنع الشمس بطريقي
ترتسم برد وظلال
وعقرب الساعه بايدي
يمشي في عكس الخطوط
حاول ارسم في عيوني
فرحه من وحي الخيال
خلي قلبي مثل طير
عمره ما عرف الهبوط
كل هذا اللي طلبته
لا غريب ولا محال
المحال اني اوافق
حتى لو لبى الشروط
رد مع اقتباس