هنا

[فقار الكرخي]

هنا ماشين منه هنا يهلنه
شفته لگلب ولفي بلا محنه

خمخمت العيون الچانن عيون
وشفته برمش عينه گاعد يخون

تره النظره چبيره گبال الاعزاز
زَفْنّي بغيابه متون جناز

شايف خنگة المغرب عله الراح
تتمنه تموت ويله ترتاح

وشايف من تظل تكتب رسايل
وماتلگه التريده عليك سائل

وشايف من تجر روحك عله الباب
وتگله انفتح خنشوف الاحباب

وشايف من تجرك حسرة الليل
وتبدي الصور كلها بعينك تعيل

عيش بذني واحسدني عله عيشي
انه بنفخة هوه ينزاح ريشي

انه التعبان جدمه من المشاوير
وانه الگضاهه عايش ع التصاوير

انه المايدري اغانيه عله يا ليل
وانه الخلصهه چف يوادع الريل

تعبنه من الهموم اليوجعنه
دخذ ارواحنه لنار؟ جنه؟

المهم نصعد سماك وعاين الناس
تلگه المثلي بالرجلين ينداس

شجاك انطيت بينه الهام واحساس
اهي الشجره تره مرايه عله خد فاس






م

[عضوية122513]

شكراً جزيلاً
​​

[صفاء العامري]

عشت يالعزيز

[¥محبوب$القلوب¥]

عشت صديقي الغالي فقار الكرخي

[انثى مخمليةة]

تسلم فقار

[τοиa‌‎‌‎❥]

عشت ⚘

[بٰـہٰٖغٰـہٰٖدآديٰـہٰٖة]

شكرا كثيرا لك