زهيري حصري
طابت الي دنيتي شخصك علي من هل
يل وجهك انت الكَمر بليل المدلهم هل
يا خلي أرد اسألك انت صديقي وهــــل
لوجار بيه الوكت تبقه ابد صــــاحبي
يل فضيلتك على اهلي واعز صاحبي
عنك نهوني الاهل وشمات هم صاح بي
ما همني حجيهم كَلت انت الي منهل
-------------------------
من سهم عينك خطف نيران كَلبي دوه
ومن سمع صوتك صدح وبوسط اذني دوه
هاك اخذ مني جـــــرح منك ار يد الدوه
وما طيب لا والنبي الا أعظ شفتك
نجنيت يوم الذي في دارنا شفتك
سوييها مره غلط جيب اسمي بشفتك
مجنون حبك صرت شوفتك هيه الدوه
ارجو ان تنال رضامكم
قاسم البهادلي
رد مع اقتباس
المشاركة الأصلية كتبت بواسطة Haidar Iraq
