هنا

[علي الازيرجاوي]

ترى الماشاف حســـنك مبتدء معروب

ويقع من شاف حسنــــك في خبر كانه
يلعــــــينك جزيرة وبيـــها بس غابات
ورمـــــــوشك علـــــــيها جنود سفانه
من طحنه بمــــــحبتك ماأغوانه إبليس
ولا شيطان وزنه وحســـــــنك أغوانه
سگيت إعيــــــوني منك يلجمالك ماي
وكلما أروي عيني تصـــــيح عطشانه
بيك الدنيا تحــــــــله وما نريد الموت
وبدونك لا أبد ماتســــــــــــوى دنيانه
شگد شفـنه سهر لمــــــن زعلنه وياك
غشـــــــمه وحيل بــــينه ومـوت لفانه
شلون إنـريد غيرك يــــــــل إذا مريت
نتـيـــــه ومانعــــــرف إشجانه ماجانه
مــن گــد غيرتي وحبي وحناني عليك
أغـــار اعليـــــك صدگ حتى مني آنه
إذا أخرس يشـــوفك من امـــامه تفوت
تنــــــفك بجمالــــــك عقـــدت إلســـانه

[عاشق الأزرق]

الله كلام رائع اخي صح السانك

[علي الازيرجاوي]

شكرا يا غالي نورت

[دمعة يتم]

طرح جميل...يسلمووو

[علي الازيرجاوي]

شكرا الج يا ورده

[كبريائي قاهرهم]

شتريد اعلق على الشعر لو على الصورة ههههههه
اختيارك مميز علاوي
رائع جدا
لا حرمنا القادم من جديدك
ودي وعبير وردي

[علي الازيرجاوي]

بكيفك يا غالي هههههه
شكرا يا ورد