هلو حشاشون & حشاشات
الموضوع مبين
بس بنات بدون زعل
يارب يعجبكم
س:ماهي البنيه؟
ج: كائن شايف نفسه ازياده ( بس الله الجبير)
س:انواع البنات؟
ج: هنالك انواع عديده من البنات ولكن بحكم خبرتي الطويله
اسيرة حبك : هاي البنيه التي تتشاقه ويا كل الولد على مبدأ( مثل اخويه )
عيون حائرة : وهي البنيه التي لا تتكلم حتى مع البنات يعني
( النهار كله بالكليه امدنكه ومنعزله وحتى انته تغلط وياه بالسلام)
العراقية الاصيلة : وهي البنيه التي تكون معتدله ورزنه
(شعندي كيه) يعني اتفوت اتسلم تطلع اتسلم
س : مكان تواجد البناتبالكليه؟
ج: اما في التواليت اتعدل المكياج(ميك اب ) او تفتر هي وصديقته المضروبة بوري(ختيه)
س: طلعات( مال مسدس) البنات ؟
ج4: للحفافه الي اكبالهم واذا ماكو للصالون , للسوك وخصوصا محلات الذهب , وهسه قديمه اتروح للخياطه لان هسه كلهن موظفات وعدهن افلوس ايروحن يشترين من محلات سهام العبيدي او من شارع النهر او من الكاظمية هسه
س : كلمات تتداولها البنات؟
ج5: هنالك عدد كلمات سامعه بالكليه من البنات مثلا:-
اوووي: تستعمل في شدة حراره الطقس او لمن تتعثر او لمن اتشوف جاهل حلو (اوي صدقه شلون خدود)
اصخام الصخمج: تستعمل عندما تتشاقه مع صديقتها
شوفي شوفي: تستعمل عندما اتشوف ولد يتمشى لوحده بالكليه وحلو (مثلي طبعا)
س: البنات والمكياج؟ج: هنالك انواع عديده ومنهاا :
البنيه الغنيه (حواسم) : كله كريم اساس (فن ديشن) و كريم اوليه وغسول وجه (بطعم الاخيار)
و صبغ اظافر (ابو 2500)
البنيه النص ونص: قلم حمره ابو 3ب 1000 و قلم كحله 250س
س: البنات والموبايلات؟
ج: طبعا اني شايف هاي الظاهره بعيني (محد كالي)
اتشوف البنيه يعني اهدومه عاديه مثلا تلبس اتونز وتنوره واتشوف عدهه موبايل دمعه لو دمعتين لو n73 (هاي كلش طاكو واصلة للبنكة خخخخخ)
صدك الله يطي جوز للماعنده اسنون
البنات والسحر وقراءة الفنجان ؟
اتشوف البنيه اجيب جيرانهم من الصبح ويشربن كهوه وبعدين تقرالهه الفنجان وتكول ( اكو درج يعني فرج , شجره وعده اغصان يعني ابنج راح يزوج ويجيب جهال تترس البيت)
رد مع اقتباس
المشاركة الأصلية كتبت بواسطة Tota
