جبت عمري جبل ماهزني حب وشوك
ولا حس بنفس بي خنكه لو ذبحه
ولا صاحب سهر ماعندي واهس ليل
وضحك عل يسولف للخلك جرحه
وذم اهل العشك وبعيني بطرانين
ولا حس اليعاني الفرهدو صبحه
حسبت اعله كلشي وما حسبت عيون
تباغتني وتصيب كليبي وطيحه
مشيتلهن ومر كل يوم اغازلهن
عشكت سوالف الصنته وحبنهن
تره عيون التحب يحجن مضاميمه
وتسولفلك شكو بخاطر حمايلهن
شفت نعمه العشك موعيب اذا تعشك
حلاته كلوب من يحجن ضمايمهن
مشينه ونحلم انسوي العشكنه اوطان
ومن صار الوطن ..كابوس حاكمهن
يجي اليل وجروحك بيش اصبرهن
الاويهن جذب ما اعرف احكمهن
صفنتهلها صدك درب العشك بي ناس
ماتفهم تداري كلوب حبتهن
تحياتي الجرح اول جرح بلروح
وتحياتي لهذاك الجان صاحبهن
وتحياتي لسوالف بردن بملكاي
ولجبرني بيك وماكدرتلهن
هنه ثنين جانن عينك وملكاك
وراحن بعد ربك يحاسبهن
م
رد مع اقتباس
المشاركة الأصلية كتبت بواسطة ᓆjgᓄ⍺
