التمشي اعله الوتر لازم تطلع صوت
الرقيقه اجدامهه اتحس الكطن مبرد
ماغرني الوجه وخدود ذيج البيض
شما يحله الشكل يبقه الخيال اسود
واثق بروحي بيد الفاله اضمه البات
وعبره وعود جف الفاله ماينسد
خاف البيته ابيض بته شامه اصير
كمت أكره سواد الشايله المرود
الاحبها اتعوف وجهي تقره بالفنجان
انخطبت برأس وآدم يمته جا اركد
وين الكه التشد الماي اذا كطعوا
ولبجفها النفس من ينكطع ينشد
فرزنته وعرفت الصدئ اخيال الصوت
والنده مخلوق ينزل خطوه مايصعد
حاسبها عدل بس عين عده البير
وفكسهه بدلو بس عينه ما تنسد
موشرط السن شم العطر ينضاك
البرد منشوفه بس انحسه من نبرد
ماكلفجتف واصعد عليء تابوت
فوك اجتافي اصعد لوردت اصعد
أحب بكلشي أفكر واصفن ابدنياي
بشبكت جفي متونسه شوف الخد
من النار يطلع بارد الدخان
ومن دخان جرح الغيم يتضمد
بوجه الخبزه هوه الحرك شامه يصير
كون الشامه بيضه اتلوك للسود
الحط باله ويه غيري ابالي ماخلي
انه ابال ناس وبالي بي محد
م
رد مع اقتباس
المشاركة الأصلية كتبت بواسطة غزل.
