من كنت اشوف الفيديوهات للمصابين و همه يتساقطون بالشارع وناس بس تصور بالموبايلات و تباوع بدون مايقدمون مساعده كنت أكول وي نفسي لعد اشكم البشر عنده صلافه و قساوة وقلة حياء، بس من صار الحادث اليوم وشفته و عايشته هالمرة أيقنت مهما تقدم و تطور البشر و مهما كان شجاع راح يبقى اكو ضعف بداخله هو المسيطر بالأول والأخير.. ضعفه أمام قوة غريزة البقاء مثل ماتفضلتي ، مخجله و مخزيه حيل ، الموقف كان صعب اكثر مما تتصورينالمشاركة الأصلية كتبت بواسطة الخيزران !
شكراً أختي
شوف صديقنا العزيز عندي فوبيا من النصوص الطويلة ما اقراها . ومراح اقرا موضوعك معذرة . اكتفي بالعنوان . وأقول
قبل يومين كنت أتأمل الوضع شفت تغيرات كبيرة . اشوف الناس دكول كورونا بلاء
لكن خطرت ابالي فكرة انو كورونا رحمة . وهناك من حيث لا تدرون تكمن الحكمة الكبيرة والفرج
اهواي امور لاحظتها بالمجتمع والعالم ... شيء ملفت .
موفقين
ونعم بالله و بما شاء نرضى حامدين، ما اعرف يا اخي اذا كانت هاذي الأنانية و هاذ الضعف و التقصير الصريح أزاء المودة والتراحم و الأنسانية شلون راح نكون خير الأعوان وخير المصاحبين المدافعين عن حقوق الله.! الله المعين
يا أخي أني طلعت وصار ألي صار ( كوه مو برضاتي)انت لو ماطالع من البيت .. ماصرت في هكذا موقف ..
يا اخي الف مره حچينه وگلنه ..
( خليك بالبيت ) ..
( كورونا خلانه في موقف مُحرج ) ..
كورونا كنت اعتبره عدو شريف لأنه قلما يستهدف الأطفال، بس اليوم أعتبرته ظالم و سخيف لحد الاشمئزاز لأنه كشف نقاط الضعف ألي كنا نتستر عليها بالعلن ، والقادم أفضع...
تحياتى ابو كرار
الظرف كان ضيق والموقف كان مزدحم بمواقف ثانية صعبة و سريعه فكرت أتصل بالاسعاف وفكرت همان شنو راح يترتب بعد ما تجي الشرطة و الإسعاف و راح تصير مصادمات وي أهل المحلات ألي كسرو الحظر و اكون السبب بكل ما راح يصير بس طلبت من أصدقاء المريض يتصلون بأهله ، أضعف الإيمان
و ان شاء الله بكرا اروح أسأل عليه و أطمئن
و ياليته ابيض ( الهروب) ، ..!
شكراً سيف
ليش هيج رامي معقول نخاف من فيروس ما ينشاف إلا بالمجهر لعد لو يجي أسد شلون
صديقي العزيز بما أني أعمل بمجال السلامة من فترة طويلة أحب أقدم هذه النصيحة.
بعيدا عن زمن كورونا والأستثناءات الحاصلة فيه .. في الظروف الإعتيادية إذا شفت شخص أغمي عليه أو تعرض لأصابة مو من حقك تقدمله أي نوع من أنواع الإسعافات إذا ما كنت مسعف أو مختص
ممكن إذا كان مصعوق تقطع التيار الكهربائي عنه وإذا قريب من النار تحاول أبعاده وهكذا...
لكن تشيله او تنقله من مكان لأخر في الدول المحترمة هذا العمل جرم يحاسب عليه القانون لانك قد تتسبب بقتله من حيث لا تعلم
يفترض الأتصال بالأسعاف ويفترض أن تكون الإسعاف قريبة.
أما في زمن كورونا فالموضوع بعيد تماما عن الجبن او فقدان الغيرة وغيرها من الصفات السيئة.. بل بالعكس بأعتبارنا تثقفنا على كيفية التعامل مع الحالة فلابد لنا أن نطبق ما تعلمناه لأن فيه المصلحة العامة وما فعلته أنت اليوم هو تطبيق لذلك وللتعليمات التي يجب علينا جميعا إتباعها.
أما الي ميقبل يشوفه أبوه قبل لا يموت أو ما يدفنه فهذا أيضا مو جبن
(عذرا من القارئ) هذه نذالة.
ياريت تطمنا على الكصاب في حال عرفت عنه شي
ربي يحفظكم من كل مكروه
التعديل الأخير تم بواسطة Aabdullah ; 28/March/2020 الساعة 2:19 am
للأسف زميلتي بسبب ( الفوبيا) تعليقك بعيدا جدا عن جوهر المضمون للموضوع.. لايهم
يمكن كورونا سبب للتوغل بالإيمان لحد اليقين و يمكن يكون سبب بتفشي
داء التمرد والغضب على المعتقد و الأخلاقيات الأساسية العامة لكن يبقى في
الاخير معدن الأنسان المعامل الحاضر والغيبي هو الحكم.. شكرا
مشكلتنا ياصديقي احنه شعب مزاجي حتى بأختيار الألم و العدو وطرق الموت، عندك مثلاًليش هيج رامي معقول نخاف من فيروس ما ينشاف إلا بالمجهر لعد لو يجي أسد شلون
ما نخاف من رصاص البنادق بس أنخاف من زرق الأبرة
يمكن لأن أغلبنا ما كان مهيأ مهنيا و نفسيا لأدارة أمور مثل هيك أزمات راح يكون
تأثير الأزمة كبير على الوضع الميداني و حتى النفسي و التخبط في الأداء والتفكير يكون
هو سيد الموقف والحركة اللا أرادية هي السائدة
على أساس اروح اليوم أطمئن عليه بس المطر عرس علينه.. الحمد الله
شكراً حبيبي عبد الله للمعلومات و النصائح الصحيه
ردة فعلك والمحيطين .. طبيعية جدا
والأمر ليست له علاقة بسلب الشهامة او يوم القيامة
الفكرة ببساطة هي مرورنا بخبرة لـ أول مرة .. مع الاعتراف بانها خبرة يرتفع معها معدل الخطورة
لذلك ما ينبغي ان نبالغ بتوقعاتنا المثالية ولا نبالغ بجلد انفسنا
الجنود مثلا .. يمرون بدورات تدريبية عديدة ومحاكاة قتالية .. لزيادة فعالية ردات فعلهم تجاه هكذا مواقف
.......
وهنا ... نجد ان كوادر الخط الاول في مواجهة كورونا
من اطباء ومسعفين وممرضين ومساندين هم بحق يستحقون تقبيل ارواحهم
رد مع اقتباس
