الشاعر احمد البيضاني قصيده بعنوان(ها؟موجود)
سألوني عليك وكلت ها؟؟؟؟؟ موجود
كالو وينه ماكو شكد يلحون
كلتهم خطيه ضرفه تعبان
وهم مشغول هو ولا تخافون
مضطر انه اجذب واخلق اعذار
لان تدري شكبره حلوك اليشمتون
ومن وياهم احجي تغمض العين
هم صارت تجذب هاي العيون
ضليت اعله وضعي هيج لشهور
وتاليه اجو و ضلو يضحكون
كالو ها شو بعده ما جاك
عافك مو ؟ هم تريد اجذب مايصدكون
احس انه بحجيهم رميه حجار
وميفكون مني بل يزيدون
يسمعوني حجي يفطر السماوات
واحس كلبي انكسر وما يسكتون
صحت بصوت عالي كافي مليت
فاركني صدك مني شتريدون
طكت روحي منهم حيل تعبان
وفكرت ابتعد اعرف يرجعون
بس تدري منوه ذوله هل الناس
وتدري من يمي شيصيرون
ذوله الناس اهلي اي ولك يفلان
ما ادري جنت هيجي يطلعون
ما ادري جنت هيجي يشمتون
رد مع اقتباس
