الیله ما ضل حیل بیه و لا فکر
الیله احب اتمشى بربوع الوطن
بلکت الگالي صریفه ارتاح بیها
الیله ما ضل حیل بیه و لا فکر
اسنین و آنه الخوف متسیطر
بروحي وماضگت طعم الأمان
ومن دخلت بشارع افکار المدینه
شفت ناس بطونهم تصرخ مجاعه
وشفت ناس اعقولهم بل جاهليه وعدهم ويه الحب صراع
ناس رسمة بلچذب ضحکه عله خدهه وکابرت یم الحزن
وناس من گد البواچی امغورجه ابهمهه الجفن
وناس ترگص و هیه مجروحه بویع خلص عمرها
ناس تعبانه و فقیره
ورگصت اگبال الفلس نزعت سترها
و ناس همتهه التظاهر
ناس فاضحه ذنبهه و ما بعد ضل عدهه ساتر
دخت من هاي المناظر
شفت وادم تأکل بروح الشعب
دیره بیهه ابلیس حاکم و الظلم یا ربي طال
هيه بس يمك شكوتي و انته ميزان العداله
ربي هاي الناس کلها
عایشه ابهم البطاله
وانته وحدك الهه مرجع
يا الهي الناس غاطيهه ذنبهه
ابرحمتك عل وادم اشفع
جیداء محمد
رد مع اقتباس
