هنا

[فقار الكرخي]

الما اريده بقى .. واللي اريده رحل
والچان نازل عِله .. والچان عالي نزل
ما يستحي هالزمن ومنين اجاه الخجل
شيجيبكم يا هلي
ومن شاف ميت عِدل
الفرصه الوحيده اجت وتصادرت بالعجل

صفّت طيور البحر جنحان يم جنحان
متغطي ببيض لچن مليان گلبي احزان
اللي وگف عالجرف ما يدري بالسفّان
الروج منه اشأخذ وشكثر شاف وحمل

يا دنيا صار البخت للي اجو تالي
غيري واخذ فرصتي وتعله بالعالي
ما حصلت رغبتي وما صار البّالي
هذا امتحان الصبر وآخر نتيجه الفشل

الحظ يجي للبشر مره ويدگ بابه
ولو شافه نايم بعد ما يحسب احسابه
حته اذا يبتسم ضحكته چذابه
فات القطار وجزه ولاخر محطه وصل








كاظم اسماعيل الگاطع

[الملاذ الاخير]

روعة .. عشت فقوري

[غزل.]

روعة احسنت