هنا

[علي الازيرجاوي]

اتكابر جنت وي دهري واللوعات

ماتدري الكلب لوجان يحزنلك

آنه الاعتذر وانت التعيل وياي

رغم قسوة دليلك انه ماملك

داريتك بروحي ومانفع وياك

ومايحتاج اكلك عيني التكلك

بجت يوم الرحت عنهه بلايه وداع

ماكدرت تصدلك ودعت ظلك

موآنه الاسولف لا لسان الحال

عيوني على الدرب هي التسولفلك

ماصبن دمع عكبك تصب جروح

وعلى اوراق الصبر مشتاكه تكتيبلك

بجه عليه الصبر وانه الاون آهات

وتعدي سنين عمري وآنه احسبلك

يالوحه وصرت مرسومه وسط العين

برمش عيني ابتسامه طيوفي ترسملك

اكولن هم ترد لو ماترد فد نوب

حتى اشعل سنيني شمعه واصبرلك

شايف لوترد شنذر الك شوباش

باقي ايام عمري حالف انثرلك

[ملكة المهندسات]

راااااااااااااااائع

[كبريائي قاهرهم]

آنه الاعتذر وانت التعيل وياي

رغم قسوة دليلك انه ماملك

المتألق الدائم
الرائع علي الازيرجاوي
سلمت على بديع الاختيار
لا حرمنا جديدك القادم
ودي وعبير وردي

[علي الازيرجاوي]

شكرا يا راقي