هنا

[علي الازيرجاوي]

أنتة عينك على شفتي ..... واني عيني اعلة الشفايف

واني كل اعظامي ترجف .... انته خايف واني خايف
شلون هسة منهو يحجي ..... منهو يبدي بالسوالف
انتة لو اني دخيلك .... مو همت وكليبي تالف
ادري بعيونك تحبني .... وكلبي لعيونك موالف
بس تعال اليحجي كلمة .... ابلا خجل وبلا مخاوف
ما خجلت بيوم مرة .... وبالحجي شايف وعايف
ويامة يامة الساني غازل ... وسكتت يامة مضايف
هسة اريد احجيلي كلمة .... مرتبك جسمي يتراجف
وانتة وانتة شو هم مثلي ترجف ... وبالعرك شو هم مثلي طايف
اشصار بينا اشمر علينا .... اشكثر مرينا بمواقف
ما خجلنا وما رجفنا .... وما نبوك العين طارف
جنها مو كلمة احبك .... جن جبل بلساني واكف
وارد اكلك شنهي هية ... كلمة لو جرم ومخاوف
شو احبك حيل احبك ... كافي عركانين وندور مناشف ...

[كبريائي قاهرهم]

الله الله
روووعة يا غالي
ربي يحفظك
مننحرم روعة جديدك القادم
ودي وعبير وردي

[jafar onger]

الله روعة

[علي الازيرجاوي]

شكرا يا ورود منورين