بــــ الحمل ـــــرج
لاتتهرب من المسؤولية وخليك واثق من نفسك في مستجدات بالشغل وبدها همة لتخلص أمورك بنصحك تبتعد عن الأجواء الصاخبة والضجة وتحاول تكستب طاقة إيجابية وتعمل جدول لتنظم حياتك الشخصية . عند المسا عم تعتذر عن بعض المواعيد وممكن تقضي معظم وقتك بالمنزل
ماليا… مبلغ مالي بيوصلك بالوقت المناسب وعم تشتري بعض الاشياء الي كنت مأجلها
عاطفيــا”.. ممكن تمل من حديث الشريك حاول ماتشعره بذلك الاحساس وتحول الحديث لموضوع مشترك بينكما
طاقـــة بـرج الـحمل {70}
بــــــــ الثور ــــــرج
يوم فيه تعب ومهمات كبيرة عم تشعر بالتوتر وعم تحاول تعطي انتاج جيد وتتقن العمل الي عم تقوم فيه ممكن تستعين بأحد الاشخاص الي بتوثق فيهم ليساعدك وتخلص امورك بشكل جيد ومرتب . عند المسا عم تبلش الامور تكون افضل وتشعر ببعض الراحة تدريجيا
ماليا… يوم فيه مصاريف ومشتريات عم تنفقها بشكل اجباري وضروري
عاطفيــا”.. الشريك عم يتعاون معك ويقدملك الدعم المعنوي والمادي طاقـــة بـرج الـثور { 76}
بـــــــ الجوزاء ــــــرج
عم تكون اليوم مرتاح وعم تشعر بالاطمئان والراحة بعد إنجازك لمهاتك الاساسية حاول تستغل الفترة الصباحة وتنهي ماهو مطلوب منك وبعد الضهر ممكن تنشغل بأمورك الشخصية وعلاقاتك الاجتماعية ماليا… ممكن تحتفظ بمبلغ من المال وتدخره لوقت الضرورة عاطفيــا”.. حاول تكون مرن مع الشريك وتبتعد عن تعصيبه وتفهم متطلباته
طاقـــة بـرج الـجوزاء { 80}
بـــــ السرطان ــــرج
اليوم عم تكون منسجم مع ذاتك وعم تلتزم بأمورك العملية ممكن تعمل تصليحات بالمنزل وتحاول تعدل بديكور البيت او تعمل تنسيق جديد بيعطيك حيوية . عند المسا عم تهتم بأحد الوالدين او أحد أفراد أسرتك ماليا… عم يزيد مصروفك وتشتري أشياء إضافية
عاطفيــا”.. حاول تخلق اجواء إيجابية مع الشريك وتكون اكتر مرونة معه
طاقـــة بـرج السرطان { 71}
بــــــ الاسد ـــــرج
عم تكون قلق حول مشروع عمل بيخصك عم تباشر فيه وعم تحاول تقدم إمكانياتك وتبذل جهد لتطور من شغلك حاول ماتتسرع ببعض الإجراءات وتعطي لنفسك وقت لتشوف النتائج بالأيام الجاي .بتهتم بأحوال أسرتك وبتحاول تقدم مساعدة من بعيد
ماليا… عم تقوم بدفع مبالغ مالية او تقدم مساعدة لشخص مقرب منك عاطفيــا”.. بتسمع كلام مديح من الشريك والاجواء مستقرة وجيدة بينكما
طاقـــة بـرج الأسد { 78 }
بـــــالعذراء ـــــرج
اليوم عم تتأثر نفسيتك من ضغوط خارجة عن سيطرتك وعم تزيد حساسيتك من بعض الاشخاص الي عم تتعامل معهم بنصحك تكون دبلوماسي ومرن بتعاملك مع الآخرين ولاتخسر الناس الي بيحبوك وكانو جنبك وقت الشدة او تسمع لكلام الحاسدين ويأثرو على علاقتك مع شركاء العمل
ماليا… انت بحاجة لمبلغ مالي جيد لتغطي النفقات والحاجات الضرورية
عاطفيــا”.. علاقتك مع الشريك ممكن تتوتر بسبب تصرفات عشوائية صدرت عنك حاول تكسب قلبه بكلام حلو وجذاب يرضيه
طاقـــة بـرج الـعذراء { 77}
بـــــ الميزان ـــــرج
اليوم عم تتوضح الامور امامك وعم تتخلص من الطاقة السلبية وتحاول تندمج مع المحيطين فيك أكتر عم تشاركهم بأفكارهم وهواياتهم . فرصة عمل ممكن تعرض عليك وعم تدرس الفكرة براسك ماليا… وضعك المالي جيد لكن لانزيد من مصروفك وحدد اولويات المشتريات
عاطفيــا”… عم تهتم بالشريك وتراعي مشاعره لكن لاتحاول تهدم كل شي عملته بلحظة عصبية وتخرب العلاقة بينك وبينه
طاقـــة بـرج الـميزان { 63}
بــــــ العقرب ـــــــرج
يوم مناسب لتعبر فيه عن الي جواتك وعم تكون صريح وممكن تفضفض لبعض الاصدقاء عن امور زاعجتك وعم تحاول تستشف من خلالهم الحل .بعد الظهر رح يتعدل مزاجك وتشعر بالتفاؤل وتكون حركتك مفيدة وجيدة
ماليا… ممكن توقع بضيق مالي نتيجة تباطىء حركة الشغل حاول تقتصد بمصروفك
عاطفيــا”.. انتبه لكلامك مع الشريك ولاتستفزه حتى مايبتعد عنك ويهملك
طاقـــة بـرج الـعقرب { 67}
بــــــ القوس ـــــــرج
بتمتلك اليوم طاقة إيجابية قوية وعم تكون اكتر نشاط وحيوية وممكن تقوم بمهمة كنت مأجلها وعم تنشغل بفترة الظهيرة بتحضيراتك لعزيمة او مهمة انسانية عم تقوم فيها بشكل شخصي . بتحظى بمحبة الأصدقاء ودعمهم لك خلال هاليوم
ماليا… عم يكون عندك مصاريف كبيرة ومشتريات وممكن تصرف مبلغ مالي كنت مدخره لوقت الضرورة
عاطفيــا”.. عم تقدر تعتمد على الشريك وعم يكون في انسجام وتفاهم يينكما.
طاقـــة بـرج الـقوس { 86}
بــــــ الجدي ـــــرج
انت اليوم عم يكون عندك واجبات وإلتزامات متنوعة وعم تبذل مجهود كبير بشغلك حاول تنظم اولوياتك المهمة وتركز بشغلك لتكون مميز ودقيق بمعاملاتك. عند المسا عندك اجتماعات ولقاءات مع بعض الاصدقاء وعم تشعر بالانسجام معهم والمودة
ماليا… حافظ على ميزانيتك ولاتهدر مالك وحاول تشتري الاشياء اللازمة فقط
عاطفيــا”.. اهتمام من الشريك فيك عم يقوي العلاقة وعم يزيد الترابط بينكما بمشاركتك ببعض هواياته الي بيحب
طاقـــة بـرج الـجدي { 78}
بـــــــ الدلو ـــــــرج
عم تخطط وتفكر لامور جديدة او مشاريع وممكن تلاقي بعض الصعوبات أمامك عليك استشارة شخص قريب منك او جمع معلوماتك الاساسية قبل البدء بأي مشروع وخاصة اذا كان بمجال التكنلوجيا والنت لتطمن النتائج والنجاح يكون حليفك
ماليا… مبلغ مالي بيوصل وعم تصرفه بشكل سريع حاول تنظم مصاريفك
عاطفيــا”.. بترضي الشريك وبتهتم فيه وهالشي عم يزيل حالة التوتر الي كانت ببنكما
طاقـــة بـرج الـدلو { 65}
بــــــ الحوت ـــــرج
تبدو اليوم عملي ونشيط وعم تهتم بالعلاقات الاجتماعية وتتفاعل مع المقربين وبتقوم بواجباتك بشكل مرتب ومنظم وهالشي عم يخليك تتقدم بشغلك ويشعرك بالتفاؤل والحيوية . عند المسا بتهتم بقضايا غيرك وبتعطي رأيك بكل شفافية .
ماليا… مبلغ مالي بسيط رح يوصلك وتشعر بالراحة والأمان عاطفيــا”.. علاقتك مع الشريك فيها كتير انسجام ومحبة وعم تكون رومنسي وشاعري
طاقـــة بـرج الـحوت { 85}
ملاحظة : الابراج للتفائل فقط .. والغيب لايعلمه الا الله سبحانه وتعالى … يومكم سعيد .. #ثابت_الحسن
رد مع اقتباس
المشاركة الأصلية كتبت بواسطة ПộR
