الشوق واضح علي والناس هراجه
وطيوفك ان جات مدري وين تاخذني
ارجع عروق الغلا للوصل محتاجه
ضامي وصالك ورمح البعد نافذني
تعبت اعاند ظروف الوقت واواجه
هموم تاخذ سعادتنا وتنبذني
ناديت لك لين صوتي طوّل زعاجه
ولا سمع صوتي المبحوح غير اذني
ماتشوفني غارقً فالحزن وامواجه
مفروض لاشفتني غرقان تنقذني
ماهو بتقفي وانا كبدي على صاجه
اشوفك بعين محتاجه وتشحذني
العمر يمضي ولاادري ويش بادراجه
والشوق ياكل ضلوعي ويلذذني
وصلك علاجي وقلبي فاقد علاجه
ان متّ من حر شوقي لاتواخذني
انا حياتي بدونك مالها حاجه
ياتاخذ بغيبتك قلبي ياتاخذني
رد مع اقتباس
المشاركة الأصلية كتبت بواسطة ПộR
