المناسبة : شهادة الإمام الكاظم ع
ليلة 22 رجب 1438 العتبة الكاظمية
طور : ياحبيب ابن مظاهر
مانعوف الكاظميّة
بدمّنه نكتب هالوصيّه
نقسم بهيبة علينه ودمعته بمحرابه
موسى بن جعفر ما تعوفه احبابه
نگصد بلهفة عطاشى وننحني يمّ بابه
حتى من نموت نبقى نلطم اعله مصابه
لخاطر عيون الزچيّه مانعوف الكاظميّه
دوّر التاريخ واسأل عن اليوالونه
تشوفهم رغم المخاطر گصدّوا يزورونه
هو شمس الكاظميّه بعين اليحبّونه
بعد هيهات بسلاسل انتم تگيّدونه
هاي صرخه رافضيّه مانعوف الكاظميّه
عاجل بوجه اليضدّنه بالأذان نذيعه
موسى بن جعفر أمير واحنه دوم نطيعه
من نطبّ الحضره نهتف ياربيع الشيعه
اليوم اجيناك بدمعنه تجدد النه البيعه
شيعه اصحاب القضيّه مانعوف الكاظميّه
احنه واحدنه المراجل تنبض بشريانه
من نغير الدنيا كلها تلبد بمگفانه
لو يردّ هارون هسه وهم تردّ اعوانه
بسطره وحده من حشدنه ينهدم بنيانه
فاطميّه حيدريه مانعوف الكاظميّه
شيعه وبدمّ المناحر هالدرب شارينه
ما نعوفه ولا نعوفه شما يصير علينه
وشكثر مرت مصايب بينه ما همينه
نصيح بس حيدر ولينه وغيره ما والينه
صاح ثغر الجعفريه مانعوف الكاظميّه
واويلي عله المسموم
واويلي على المسموم
اجينه لفاطمه الزهراء بالكاظم نعزيها
حزنانه وتوّن وتنوح عالمسموم ندريها
يا شيعة علي بهاليوم فگدت نور واليها
لأجل العالجسر مطروح فوگ الجسر نلگيها
وآ ويلي عله المهموم
◇◈◇⇩..تابعونا..⇩◇◈
رد مع اقتباس
المشاركة الأصلية كتبت بواسطة بٰـہٰٖغٰـہٰٖدآديٰـہٰٖة
